ພິທີບວດສາມະເນນ ລວມໝູ່ ຄັ້ງທີ 2 ຂອງເມືອງຫົງສາ ແຂວງໄຊຍະບູລີ ໄດ້ຈັດຂື້ນຢ່າງເປັນທາງການ ໃນຕອນບ່າຍຂອງວັນທີ 1 ກໍລະກົດ 2019 ຜ່ານມານີ້ ຢູ່ທີ່ວັດບ້ານຈອມແຈ້ງ ເມືອງຫົງສາ ແຂວງໄຊຍະບູລີ ມີ ພະອາຈານ ອ່ອນຕາ ສາລິກາທອງ ປະທານ ອົງການພຸດທະສາສະນາ ສຳພັນລາວ ເມືອງຫົງສາ, ມີ ທ່ານນາງ ດາວວິນ ລາດຊະກິດ ຮອງເຈົ້າເມືອງໆຫົງສາ, ມີ ພະອາຈານ ສົມພອນ ຄໍາຈະເລີນ ອໍານວຍການໂຮງຮຽນ ມັດທະຍົມຕອນຕົ້ນພະສົງເມືອງຫົງສາ ມີຄະນະຮັບຜິດຊອບ ຂັ້ນເມືອງ ຂັ້ນບ້ານ ຊາວພຸດທະສາສະນິກະຊົນ ແລະ ສາມະເນນໃໝ່ເຂົ້າຮວ່ມຢ່າງພ້ອມພຽງ
ໃນພິທີ ພະອາຈານ ອ່ອນຕາ ສາລິກາທອງ ປະທານ ອົງການພຸດທະສາດສະໜາ ສໍາພັນລາວ ເມືອງຫົງສາ ກໍ່ໄດ້ຂື້ນກ່າວເປີດ ພິທີຢ່າງເປັນທາງການ ເຊີ່ງທ່ານ ໄດ້ກ່າວວ່າ: ເພື່ອເປັນການປະຕິບັດຕາມແຜນການ 5 ປີ ຂອງ ອົງການພຸດທະສາດສະໜາສໍາພັນລາວ ແຂວງໄຊຍະ ບູລີ ແລະ ແຜນການປະຈໍາປີຂອງອົງການພຸດທະສາດສະໜາ ສໍາພັນລາວ ເມືອງຫົງສາ ໄດ້ວາງອອກ, ເປັນການປົກປັກຮັກສາ ແລະ ສົ່ງເສີມ ພະພຸດທະສາດສະໜາ,ສີລະທໍາ, ຮິດຄອງປະເພນີອັນດີງາມຂອງລາວເຮົາ ໄວ້ໃຫ້ໜັ້ນຄົງຕະຫຼອດໄປ, ເປັນການເປີດໂອກາດໃຫ້ນັກຮຽນ, ນັກສຶກສາ ຊາວພຸດທຸກຖ້ວນໜ້າ ໄດ້ມີໂອກາດຝືກຝົນປະພຶດປະຕິບັດຕາມພະທໍາຄໍາສັ່ງສອນ ແລະ ສ້າງບຸນປາລະມີຮວ່ມກັນ, ທັງເປັນການເຕົ້າໂຮມຄວາມສາມັກຄີຂອງຊາວພຸດທຸກຖ້ວນໜ້າ ທາງພະສົງ ແລະ ຄະລືຫັດ ທັງການຈັດຕັ້ງ ແລະ ປະຊາຊົນ, ເພື່ອໃຫ້ໄດ້ນັກຮຽນສົງ ມາເຂົ້າຮຽນ ໃນໂຮງຮຽນມັດທະຍົມ ຕອນຕົ້ນສົງຂອງເມືອງສົກປີ 2019 – 2020, ໂຄງການບວດຈົວໃນຄັ້ງນີ້: ແມ່ນໄດ້ເອົາຊາວໝູ່ມ - ເຍົາວະຊົນ ມາບວດເປັນສາມະເນນມີທັງໝົດ 58 ຕົນ, ເພື່ອເປີດໂອກາດສ້າງສົມບຸນປາລະມີ ເຮັດຄວາມດີເພື່ອພໍ່ແມ່, ໃຊ້ເວລາຫວ່າງໃຫ້ເປັນປະໂຫຍດ, ເປັນການເປີດໂອກາດໃຫ້ທຸກໆຄົນທີ່ຄວາມສົນໃຈ ເຂົ້າມາສຶກສາຮໍ່າຮຽນ ແລະ ສຶກສາຮຽນຮູ້ ທາງສາດສະໜາໃຫ້ຫຼາຍຂື້ນ,ອີກຢ່າງໜື່ງເພື່ອປູກຈິດສໍານຶກໃຫ້ຊາວໝຸ່ມ ໄວໝຸ່ມຫ່າງໄກສີ່ງອະບາຍຍະມຸກທັງຫຼາຍ, ງານດັ່ງກ່າວນີ້ແມ່ນໄດ້ຈັດຕັ້ງປະຕິບັດສຶບທອດກັນມາຕາມຮິດຄອງປະເພນີ, ເຊີ່ງກິດຈະກິດທີ່ໄດ້ປະຕິບັດແມ່ນຄະນະສົງ ແລະ ມວນຊົນຕ່າງໆເຂົ້າຮວ່ມແຫ່ລູກແກ້ວເຂົ້າສູ່ ພິທີບວດ ແລະ ເລີ່ມກິດຈະກໍາອົບຮົມ, ໄຫວ້ພະສູດມົນ ເຊົ້າ ແລງ ອອກບິນທະບາດແຕ່ລະວັນ ຢູ່ແຕ່ລະວັດໃນເທດສະບານເມືອງ, ຮັບຟັງການບັນຍາຍທໍາ, ເດີນຈົມກົມ, ນັ່ງສາມະທິ, ຮັບຟັງການບັນຍາຍຈາກວິທະຍາກອນຮັບເຊີນ ແລະ ກິດຈະກໍາອື່ນໆອີກ ພິທີບວດຈົວລວມໝູ່ຄັ້ງທີ 2, ໃນຄັ້ງນີ້ ແມ່ນຈະໄດ້ດໍາເນີນໄປເປັນເວລາ 7 ວັນ, ຈື່ງຈະສໍາເລັດ.
ຂໍ້ມູນມາຈາກ : ທີມຂ່າວ ແຂວງໄຊຍະບູລີ