ຄອບຄົວ ຮ້ອຍເອກ ສົມລິດ ອີນໄພຍະລາດ ສ້າງເສດຖະກິດຄອບຄົວ ໂດຍຖືເອົາການລ້ຽງຫມູ, ລຽງເປັດ, ໄກ່, ກົບ ແລະ ປາ ປະສົມປະສານກັນ ພາຍຫຼັງຮຽນຈົບ ໃນຂະແຫນງກະສິກຳແລ້ວ ຈຶ່ງໄດ້ຕັດສີນໃຈເຂົ້າຮັບໃຊ້ຊາດ ໃນຖັນແຖວກອງທັບ ປີ 2010 ມາຮອດປີ 2017 ຈຶ່ງໄດ້ສ້າງຄອບຄົວ ແລະ ນໍາພາຄອບຄົວ ຫັນເອົາກາລ້ຽງສັດ ເປັນອາຊີບເສີມ ເພື່ອສ້າງລາຍຮັບໃຫ້ແກ່ຄອບຄົວ ຕາມທິດຊີນໍາ ເພິ່ງຕົນເອງ - ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງ ທີ່ ພັກ - ລັດ ຂັ້ນເທິງວາງອອກ, ຄອບຄົວ ຮ້ອຍເອກ ສົມລິດ ໂດຍເລີ່ມລ້ຽງທໍາອິດແມ່ນໄດ້ນໍາໃຊ້ຕົ້ນທຶນຈາກຄອບຄົວຂອງຕົນສ່ວນໜຶ່ງ ແລະ ກູ້ຢືມສ່ວນໜຶ່ງ ລວມເປັນເງີນ 40 ລ້ານກີບ, ຍ້ອນຄວາມດຸໝັ້ນຂອງຕົນເອງ ແລະຄອບຄົວ ບວກກັບຄວາມຮູ້ທີ່ໄດ້ຮໍ່າຮຽນມາ ປະຈຸບັນສາມາດ ລ້ຽງຫມູ, ລຽງເປັດ, ໄກ່, ກົບ ແລະ ປາ ຂາຍເຂົ້າເຮືອນຄົວລວມ ແລະ ຂາຍສູ່ທ້ອງຕະຫຼາດ ສາມາດສ້າງລາຍຮັບ ຈາກການລ້ຽງສັດ ໃຫ້ແກ່ຄອບຄົວທັງ 60 ລ້ານກີບຕໍ່ປີ ເມື່ອຫັກຕົ້ນທືນແລ້ວ ແລະ ຄ່າໃຊ້ຈ່າຍອື່ນໆ ຈະມີກໍາໄລ ປະມານ 20 ລ້ານກວ່າກີບ ຖືໄດ້ວ່າ ເປັນຄອບຄົວຕົວແບບອີກຄອບຄົວໜຶ່ງ ທີ່ ໃຊ້ເວລາຫວ່າງໃຫ້ ເກີດປະໂຫຍດ ເພື່ອສ້າງລາຍຮັບໃຫ້ແກ່ຄອບຄົວ ແລະ ເຮັດໃຫ້ຄອບຄົວ ມີຊີວິດການເປັນຢູ່ທີ່ດີຂື້ນ ເປັນກ້າວໆ.
Editor: ສິງຫາ ເລືອງວັນ
