ພິທີສອບເສັງຈົບຊັ້ນມັດທະຍົມສຶກສາຕອນປາຍ ມ7 ສົກຮຽນ 2016-2017 ໄດ້ຈັດຂຶ້ນຢ່າງເປັນທາງການໃນວັນທີ 20 ມີຖຸນາ 2017 ນີ້ ໂດຍເປັນເອກະພາບກັນໃນຂອບເຂດທົ່ວປະເທດ, ສົກຮຽນ 2016-2017 ນີ້ ກະຊວງສຶກສາທິການ ແລະ ກິລາ ໄດ້ກຳນົດເອົາ 4 ວິຊາ ໃນການສອບເສັງຈົບຊັ້ນມັດທະຍົມສຶກສາຕອນປາຍ ມ7 ຄື: ວິຊາພາສາລາວ-ວັນນະຄະດີ, ຄະນິດສາດ, ຟີຊິກສາດ ແລະ ປະຫວັດສາດ, ສົກຮຽນ 2016-2017 ນີ້ທົ່ວແຂວງຫົວພັນ ມີນັກສອບເສັງທັງໝົດ 4.047 ນ້ອງ, ຍິງ 1.711 ນ້ອງ, ແບ່ງອອກເປັນ 13 ສູນສອບເສັງໃນ 10 ເມືອງທົ່ວແຂວງ, ມີ 188 ຫ້ອງສອບເສັງ, ມີກຳມະການຍາມຫ້ອງ ແລະ ປ້ອງກັນສູນ 402 ຄົນ, ມີຄະນະປະທານຈາກຂັ້ນແຂວງ, ເມືອງ ແລະ ກະຊວງສຶກສາທິການ ແລະ ກິລາ 93 ຄົນ, ໂດຍໃຊ້ງົບປະມານທັງໝົດ 400 ລ້ານກ່ວາກີບ, ໃນສົກຮຽນ 2015-2016 ຜ່ານມາມີນັກສອບເສັງທັງໝົດ 3.729 ນ້ອງ, ຍິງ 1.513 ນ້ອງ ສາມາດສອບເສັງໄດ້ 100 ສ່ວນຮ້ອຍ, ສຳຫຼັບສົກຮຽນ 2016-2017 ນີ້ ພະແນກສຶກສາທິການ ແລະ ກິລາແຂວງຫົວພັນ ໄດ້ວາງເປົ້າໝາຍໄວ້ຄາດວ່າຈະສາມາດຈະບັນລຸໄດ້ 100 ສ່ວນຮ້ອຍ ຄືກັບສົກຮຽນໃນປີຜ່ານມາ.

Editor: ກຳປານາດ ລັດຖະເຮົ້າ