ງານຈະຫລາດນັດພົບແຮງງານ ແລະ ການສຶກສາ ວຽງຈັນ 2017 ປີນີ້ ແມ່ນເປັນຄັ້ງທີ 7 ເຊີ່ງຈັດຂື້ນເປັນເວລາ 2 ວັນ 24-25 ມີຖຸນາ 2017 ທີ່ໂຮງແຮມດອນຈັນພາເລດ, ນະຄອນຫລວງວຽງຈັນ. ງານນັດພົບແຮງງານ ຫລື ຕະຫລາດນັດພົບແຮງງານ ດັ່ງກ່າວ ຈັດຂື້ນເພື່ອເປັນການສະຫນັບສະຫນູນ ຜູ້ທີ່ມີອາຍຸ ນັບແຕ່ 17 ປີ ຂື້ນໄປ ທັງເພດຍິງ ແລະ ຊາຍ, ລວມທັງຜູ້ເສຍອົງຄະ ເຊີ່ງເປັນການເປີດໂອກາດໃຫ້ໄດ້ຊອກວຽກເຮັດງານທຳ ທີ່ເຫມາະສົມ ແລະ ສອດຄ່ອງກັບຄວາມສາມາດຂອງຕົນ, ການສຶບຕໍ່ດ້ານການສຶກສາ ຫລື ຊອກຫາບ່ອນຮຽນຕໍ່ ທີ່ຕ່າງປະເທດ. ໄດ້ມາຮ່ວມກັນພາຍໃນງານແຫ່ງນີ້.

ພາຍໃນງານ ໄດ້ມີບັນດາ ບໍລິສັດ ແລະ ອົງການ ທີ່ບໍ່ຫວັງຜົນກຳໄລ, ລວມໄປເຖີງສະຖາບັນການສຶກສາ ພາຍໃນ ແລະ ຕ່າງປະເທດທີ່ເປັນຕົວແທນ ເຂົ້າມາຮ່ວມວາງສະແດງຜະລີດຕະພັນຂອງຕົນ ພ້ອມທັງໃຫ້ຄຳປຶກສາດ້ານຂໍ້ມູນຕ່າງໆ ທີ່ຫນ້າສົນໃຈ. ນອກຈາກນັ້ນ ງານດັ່ງກ່າວນີ້ ຍັງເປັນການສົ່ງເສີມ ທຸກເພດໄວ ນັບທັງຜູ້ເສຍອົງຄະ ໄດ້ມີເວທີໂອກາດໃຊ້ສິດ ແລະ ຄວາມສາມາດຂອງຕົນ ທີ່ເທົ່າທຽມ ຊອກວຽກເຮັດງານທຳ ເພື່ອໃຫ້ຊີວິດຫມັ້ນຄົງ.

ຕະຫລອດໄລຍະ 2 ວັນ 24-25 ນີ້, ຍັງມີກິດຈະກຳຫລາຍຢ່າງ ເປັນຕົ້ນ ການຮັບຟັງການບັນຍາຍ ຂອງນັກຂຽນຜູ້ທີ່ມີຊື່ສຽງ ທີ່ປະສົບຜົນສຳເລັດ, ນັກເວົ້າ-ນັກຄິດ ຜູ້ສ້າງແຮງບັນດານໃຈ. ພ້ອມນັ້ນ ຍັງມີການສອບເສັງຄວາມຮູ້ທັກສະດ້ານພາສາອັງກິດ, ການສະຫມັກວຽກ, ການໃຫ້ຄຳປຶກສາ ແລະ ການແຈກຂອງລາງວັນ ແກ່ຜູ້ເຂົ້າຮ່ວມງານ ອີກດ້ວຍ.

Editor: ກຳປານາດ ລັດຖະເຮົ້າ