ໃນວັນທີ 29 ມິຖຸນາ 2017 ຢູ່ທີ່ໂຮງຮຽນສິນລະປະດົນຕີແຫ່ງຊາດ, ໄດ້ມີງານແຂ່ງຂັນປະກວດສິລະປະດົນຕີແຫ່ງຊາດ ຄັ້ງທີ 2 ຂື້ນ ໂດຍເປັນກຽດເຂົ້າຮ່ວມງານຂອງ ທ່ານ ຄໍາພວງ ອິນທະວົງສີ ຫົວຫນ້າກົມສິລະປະການສະແດງ, ກະຊວງຖະແຫລງຂ່າວ, ວັດທະນາທຳ ແລະ ທ່ອງທ່ຽວ, ມີຄະນະຜູ້ອຳນວຍການ, ພະນັກງານ, ຄູອາຈານ, ນ້ອງນັກນຮຽນ ແຂກຖືກເຊີນ ແລະ ຜູ້ປົກຄອງເຂົ້າຮ່ວມ.

ຊຶ່ງການຈັດງານແຂ່ງຂັນສິລະປະດົນຕີແຫ່ງຊາດ ຄັ້ງທີ 2 ຄັ້ງນີ້ ປະກອບມີລາຍການສະແດງ ດັ່ງນີ້: ການສະແດງຟ້ອນ, ການຮ້ອງເພງ, ການສະແດງດົນຕີສາກົນ ແລະ ການສະແດງດົນຕີພື້ນເມືອງ. ເຊິ່ງວັດຖຸປະສົງຂອງການຈັດງານ ເພື່ອຊຸກຍູ້, ສົ່ງເສີມຫົວຄິດປະດິດສ້າງ, ການປະດິດຄິດແຕ່ງ, ຂອງຄູ-ອາຈານ, ທັງສົ່ງເສີມພອນສະຫວັນ, ຄວາມຮູ້ຄວາມສາມາດ ຂອງນ້ອງນັກຮຽນ, ສ້າງທັກສະ ກ້າສະແດງອອກ ລະຫວ່າງ ການຮຽນຮູ້ທິດສະດີ ແລະ ພາກປະຕິບັດຕົວຈິງໃນເວທີການສະແດງໃຫ້ຫຼາຍຂື້ນ, ຮຽນຮູ້ສົມທົບປະສົບການ ໃຫ້ມີຄວາມສຳນິ ສຳນານ ເມື່ອຈົບໄປກໍ່ຈະມີຄຸນນະພາບ ສາມາດຕອບສະໜອງຄວາມຮຽກຮ້ອງຕ້ອງການ ຂອງວຽກງານໄດ້ດີໄປເລື້ອນໆ.

Editor: ກຳປານາດ ລັດຖະເຮົ້າ