ໃນທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກໍາລັງປະກອບອາວຸດ ແລະ ທົ່ວປວງຊົນທັງຊາດເວົ້າລວມ ເວົ້າສະເພາະຊາວແຂວງໄຊຍະບູລີ ພວມອອກແຮງແຂ່ງຂັນກັນສືບຕໍ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ 10 ຂອງພັກປະຊາຊົນ ປະຕິວັດລາວ, ມະຕິກອງປະຊຸມໃຫຍ່ຄັ້ງທີ 6 ອົງຄະນະພັກແຂວງ ແລະ ມະຕິກອງປະຊຸມໃຫຍ່ຄັ້ງທີ 8 ຂອງເມືອງ ໄຊຍະບູລີ.

ອົງການປົກຄອງເມືອງ ພ້ອມດ້ວຍຫ້ອງການສຶກສາທິການ ແລະ ກິລາເມືອງໄຊຍະບູລີ ຈັດພິທີໄຂສົກຮຽນ ໃໝ່ສົກ 2017-2018 ຢູ່ແຂວງໄຊຍະບູລີ ໄດ້ໄຂຂຶ້ນຢ່າງເປັນທາງການໃນຕອນເຊົ້າຂອງວັນທີ 1 ກັນຍາ 2017 ນີ້ຢູ່ທີ່ເດີ່ນກິລາໃນຮົ່ມຂອງແຂວງ, ໃຫ້ກຽດເຂົ້າຮ່ວມໃພິທີ ຄັ້ງນີ້ໂດຍແມ່ນ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງເຈົ້າແຂວງໄຊຍະບູລີ ມີເຈົ້າເມືຶງ, ຮອງເຈົ້າເມືອງ, ພະເຖລະ ນຸເຖລະ ຄູອາຈານ ແລະ ບັນດານ້ອງນັກຮຽນເຂົ້າຮ່ວມ.

ໃນພິທີອັນມີຄວາມໝາຍຄວາມສໍາຄັນນີ້ ທ່ານ ບຸນຄົງ ພົງສະຫວັນ ຮອງເລຂາພັກເມືອງ ຮອງເຈົ້າເມືອງ ກໍ່ໄດ້ໃຫ້ກຽດຂຶ້ນກ່າວເປີດພິທີໄຂສົກຮຽນໃໝ່ ສົກ 2017 -2018 ຢ່າງເປັນທາງການ, ຈາກນັ້ນ ທ່ານ ຄໍາສິງ ສໍລະສຸກ ກໍາມະການປະຈໍາພັກແຂວງ ເລຂາພັກເມືອງ ເຈົ້າເມືອງ ໄຊຍະບູລິີ ກໍ່ໄດ້ໃຫ້ກຽດກ່າວປາໃສຕໍ່ພິທີ ຊຶ່ງໃນ 1 ປີຜ່ານມາການດໍາເນີນວຽກງານສຶກສາ ແລະ ກິລາ ແມ່ນໄປຕາມວິໄສທັດແຕ່ນີ້ຮອດປີ 2030. ຍຸດທະສາດການສຶກສາ ແລະ ກິລາ 2025 , ແຜນການສຶກສາ 5 ປີຄັ້ງທີ 8 ແຕ່ປີ 2016 - 2020. ພາຍໃຕ້ການຊີ້ນໍານໍາພາຂອງອົງຄະນະພັກ- ອົງການປົກຄອງແຕ່ລະຂັ້ນ, ການຕິດຕາມຊຸກຍູ້ ແລະ ສະໜັບສະໜູນຈາກພະແນກສຶກສາທິການ ແລະ ກິລາແຂວງ, ຄວາມເປັນເຈົ້າຂອງຜູ້ບໍລິຫານການສຶກສາຄູອາຈານ ແລະ ການປະກອບສ່ວນທົ່ວສັງຄົມຈຶ່ງເຮັດໃຫ້ການພັດທະນາ

ການສຶກສາ ແລະ ກິລາສືບຕໍ່ຂະຫຍາຍຕົວ ເຕີບໃຫຍ່ຢ່າງຕໍ່ເນື່ອງເຮັດໃຫ້ລູກຫຼານປະຊາຊົນໄດ້ເຂົ້າຮຽນຢ່າງທົ່ວເຖິງນັບແຕ່ໂຮງຮຽນລ້ຽເດັກຈົນຮອດໂຮງຮຽນວິຊາຊີບ, ໄດ້ເຮັດໃຫ້ຄຸນນະພາບ ການຮຽນການສອນໄດ້ຮັບການປັບປຸງດີຂຶ້ນເປັນກ້າວໆ ສາມາດເອົານັກຮຽນທີ່ມີພອນສະຫວັນ ເຂົ້າຮ່ວມການແຂ່ງຂັນລະດັບແຂວງ ລະດັບຊາດ ຈົນສາມາດນໍາເອົາບົດບາດຊື່ສຽງມາສູ່ແຂວງ ໄຊຍະບູລີ ກໍ່ຄືເມືອງ ໄຊຍະບູລີ.

Editor: ກຳປານາດ ລັດຖະເຮົ້າ