ເມື່ອບໍ່ດົນມານີ້ ວິທະຍາເຕັກນິກວິຊາຊີບເມືອງເຊໂປນ ແຂວງສະຫວັນນະເຂດ ໄດ້ຈັດພິທີມອບ-ຮັບ ລົດຈັກ (ເກົ່າ) ຈໍານວນ 20 ຄັນ, ເຊິ່ງໄດ້ຮັບມາຈາກກອງບັນຊາການ ປກສ ເມືອງວິລະບູລີ, ເພື່ອເປັນສື່ການຮຽນ-ການສອນໃຫ້ວິທະຍາເຕັກນິກ-ວິຊາຊີບເຂດເຊໂປນ ເພື່ອເປັນການປະກອບສ່ວນສະໜັບສະໜູນ ທາງດ້ານວັດຖຸອຸປະກອນປະະກອບ ເປັນສື່ການຮຽນ - ການສອນ ໃຫ້ວິທະຍາເຕັກນິກ - ວິຊາຊີບສະຫວັນນະເຂດ (ວິທະຍາເຂດເຊໂປນ) ໂດຍສະເພາະກໍ່ແມ່ນເພື່ອແນໃສ່ການສ້າງຊັບພະຍາກອນມະນຸດ ຕາມ 03 ລັນສະນະ, 05 ຫຼັກມູມຂອງການສຶກສາ, ເວົ້າລວມ-ເວົ້າສະເພາະ ແມ່ນແນ່ໃສ່ການຍົກລະດັບຄວາມຮູ້, ຄວາມສາມາດ ແລະ ສີມືແຮງງານຂອງລູກຫຼານ ໃນ 05 ຕົວເມືອງພູດອຍໃຫ້ມີຄວາມກ້າວໜ້າ ແລະ ມີຄຸນນະພາບຄືກັຫນກັບເມືອງ ແລະ ແຂວງອື່ນໆ. ໂດຍເປັນກຽດມອບໃນຄັ້ງນີ້ ທ່ານ ບົວສອນ ມະຫາວົງ ກຳມະການພັກແຂວງ ເລຂາພັກເມືອງ ເຈົ້າເມືອງໆວິລະບູລີ  ຕາງໜ້າຄະນະພັກ ຄະນະປົກຄອງເມືອງວິລະບູລີ ເປັນຜູ້ມອບ ແລະ ທ່ານ ວົງສະຫວັນ ອຳນວຍການວິທະຍາໄລເຕັກນິກ-ວິຊາຊີບ ສະຫວັນນະເຂດ ຂື້ນຮັບຊ້ອງໜ້າ ທ່ານ ຄຳຫຼ້າ ພົມມີໄຊ ຮອງເຈົ້າເມືອງໆເຊໂປນ ພ້ອມດ້ວຍຄູອາຈານ, ນັກສຶກສາ ແລະ ພາກສ່ວນທີ່ກ່ຽວຂ້ອງ ເປັນສັກຂີພະຍານໃນການ ມອບ-ຮັບສື່ການຮຽນ-ການສອນໃນຄັ້ງນີ້ອີກດ້ວຍ.

Editor: ກຳປານາດ ລັດຖະເຮົ້າ