ໃນວັນທີ 20 ຕຸລາ 2017 ທີ່ ກະຊວງສືກສາທິການ ແລະ ກິລາ ໄດ້ມີການຈັດພິທີປະດັບຫລຽນກາແຮງງານໃຫ້ແກ່ຄູສອນ ແລະ ນັກຮຽນທີ່ມີຜົນງານດີເດັ່ນ ໃນການເຂົ້າຮ່ວມແຂ່ງຂັນ ຈີນິສ ໂອແລມເປຍ ( GENIUS Olympiad) ປີ 2017 ທີ່ປະເທດສະຫະລັດອາເມລິກາ. ພິທີປະດັບຫລຽນ ຄັ້ງນີ້, ໂດຍການເປັນປະທານຂອງ ທ່ານນາງ. ແສງເດືອນ ຫລ້າຈັນທະບູນ ລັດຖະມົນຕີກະຊວງ ສືກສາທິການ ແລະ ກິລາ ພ້ອມດ້ວຍຄະນະ, ຄູ - ນັກຮຽນ ແລະ ພໍ່ແມ່ຜູ້ປົກຄອງເຂົ້າຮ່ວມສະແດງຄວາມຍີນດີ.

GENIUS Olympiad (ຈີ່ນິສໂອແລມເປຍ) ແມ່ນການແຂ່ງຂັນລະດັບສາກົນ ສໍາລັບຊັ້ນມັດຖະຍົມຕອນປາຍ ກ່ຽວກັບບັຫາສິງແວ້ດລ້ອມ ໂຄງການນີ້ໄດ້ຈັດຂື້ນຄັ້ງທໍາອິດໃນປີ 2009 ຢູ່ທີ່ ມະຫາວິທະຍາໄລ Oswego ( ໂອສວີໂກ ) ລັດ New York (ນິວຢອກ) ປະເທດສະຫະລັດອາເມລິການ ເຊິງຈະຈັດຂື້ນໃນເດືອນ ມິຖຸນາ ຂອງທຸກໆປີ. ໂຮງຮຽນ ມັດທະຍົມສົມບູນ ອິດເຕີນສະຕ້າ ໄດ້ນໍາພານັກຮຽນຂອງຕົນ ເຊິ່ງເປັນນັກຮຽນຊັ້ນມັດຖະຍົມສຶກສາ ຂອງ ສປປ ລາວ ເຂົ້າຮ່ວມການແຂ່ງຂັນ ແຕ້ມຮູບລະດັບສາກົນຂອງຊັ້ນມັດຖະຍົມຕອນປາຍ ກ່ຽວກັບບັນຫາສິ່ງແວດລ້ອມ GENIUS Olympiad ທີ່ປະເທດສະຫະລັດອາເມລິກາ ໃນທຸກໆປີ ໃນປີ 2009 ກໍໄດ້ຮັບຫລຽນຄໍາ ແລະ ໄດ້ຮັບການຍ້ອງຍໍ ຫລຽນໄຊແຮງງານ ຈາກປະທານປະເທດມາແລ້ວ ແລະ ໃນປີ 2017 ນີ້ແມ່ນເປັນຄັ້ງທີ 8 ມີນັກຮຽນເຂົ້າຮ່ວມແຂ່ງຂັນທັງໝົດ 1.100 ຄົນ, ຈາກຫລາຍໂຮງຮຽນ ຈາກ 39 ລັດ 71 ປະເທດທົ່ວໂລກ, ໃນນີ້ມີນັກຮຽນລາວ 2 ຄົນ ແລະ ຄູນໍາພາ 1 ຄົນ ທີ່ເຂົ້າຮ່ວມແຂ່ງຂັນຄື: ທ່ານ ອາມັດ ອາຈາຄູສອນ ທີ່ ຖືກແຕ່ງຕັ້ງບໍາລຸງ ແລະ ນໍາພາເຂົ້າຮ່ວມການແຂ່ງຂັນ, ທ້າວ ແສງສອນເພັດ ວົງດາລາ ແລະ ທ້າວ ພົນທໍາ ວິຊາປຣາ ນັກຮຽນຊັ້ນ ມ.5 ໂຮງຮຽນມັດຖະຍົມ ອິດເຕີນສະຕ້າ. ການແຂ່ງຂັ້ນແມ່ນໄດ້ແບ່ງອອກເປັນ 4 ສາຂາ ແລະ ຜ່ານການແຂ່ງຂັນນັກຮຽນລາວ ສາມາດພຍາດໄດ້ທີ 3 ຫລຽນທອງ ໃນສາຂາການກະຕຸ້ນສັງຄົມ ໃຫ້ມີຄວາມເອົາໃຈໃສ່ ຕໍ່ການຮັກສາສິ່ງແວ້ດລ້ອມ ໃຫ້ດີຂື້ນ.

ເພື່ອເປັນການປະຕິບັດນະໂຍບາຍຕໍ່ຄູສອນ ແລະ ນັກຮຽນເກັ່ງ ທີ່ໄດ້ປະກອບສ່ວນສ້າງຜົນງານໃຫ້ແກ່ກະຊວງ ສຶກສາທິການ ແລະ ກິລາ ກໍຄື ປະເທດຊາດ, ໃຫ້ກຽດມອບຫຼຽນກາແຮງງານ ຄັ້ງນີ້ໂດຍ ທ່ານນາງ. ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ມອບໃຫ້ແກ່ ທ່ານ ອາມັດ ອາຈາ ຄູສອນ ທີ່ ຖືກແຕ່ງຕັ້ງບໍາລຸງ ແລະ ນໍາພາເຂົ້າຮ່ວມການແຂ່ງຂັນ, ທ້າວ ແສງສອນເພັດ ວົງດາລາ ແລະ ທ້າວ ພົນທໍາ ວິຊາປຣາ ນັກຮຽນຊັ້ນ ມ.5 ໂຮງຮຽນມັດຖະຍົມ ອິດເຕີນສະຕ້າ ພ້ອມນັ້ນທ່ານລັດຖະມົນຕີ ຍັງໄດ້ສະແດງຄວາມຍ້ອງຍໍຊົມເຊີຍ ໂຮງຮຽນ, ຄູ ແລະ ນ້ອງນັກຮຽນທັງສອງ ທີ່ສາມາດຍາດໄດ້ລອງວັນອັນມີກຽດໃນການແຂ່ງຂັນຄັ້ງນີ້.

Editor: ກຳປານາດ ລັດຖະເຮົ້າ