ຕາດເເຊປ້ອງໄລ, ເມືອງສະໜາມໄຊ ແຂວງ ອັດຕະປື ສະຖານທີ່ແຫ່ງດັ່ງກ່າວແມ່ນຂອງບໍລິສັດ ວົງວິໄລ ການຄ້າຂາອອກ-ຂາເຂົ້າ ຈຳກັດຜູ້ດຽວ ສຳປະທານ ເພື່ອພັດທະນາໃຫ້ເປັນແຫຼ່ງທ່ອງທ່ຽວທຳມະຊາດ ໃນລະດັບແຂວງ ແລະ ປະຈຸບັນກຳລັງເປັນແຫຼ່ງດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດນັບມື້ເພີ່ມຂຶ້ນເລື້ອຍໆ.
ດ້ານຜູ້ສຳປະທານແຫຼ່ງທ່ອງທ່ຽວທາງທຳມະຊາດ ນ້ຳຕົກຕາດແຊປ້ອງໄລ ເປີດເຜີຍວ່າ: ເພື່ອກຽມຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດ ມາຮອດປະຈຸບັນການປັບປຸງແມ່ນສຳເລັດເປັນສ່ວນໃຫຍ່ເປັນຕົ້ນ ແມ່ນໄດ້ມີການ ສ້ອມແປງລະບົບເສັ້ນທາງແຕ່ທາງເຂົ້າ ເຖິງສະຖານທີ່ພັກແຮມໄລຍະທາງ 8 ກິໂລເເມັດ, ປັບປຸງສ້ອມແປງຂົວ ແລະ ເສັ້ນທາງລະຫວ່າງຈຸດພັກແຮມໄປຫາຕາດ ແຊປ້ອງໄລ 6 ກວ່າກິໂລເເມັດ, ສ້າງຕະຫຼາດຮັບໃຊ້ບໍລິການ ແລະ ສ້າງເຮືອນພັກແຮມຮອງຮັບແກ່ນັກທ່ອງທ່ຽວ ພ້ອມນີ້ ຍັງຈະໄດ້ມີການປັບປຸງບູລະນະສະຖານ ທີ່ພັກຜ່ອນຕື່ມຄົບວົງຈອນ ໂດຍຈະຈັດ ໃຫ້ມີຫຼາຍແບບ ເຊັ່ນ: ປັບປຸງຈຸດພັກຜ່ອນໃນຕູບ, ຕາມຈຸດພະລານຫີນ, ຈຸດທ່ອງທ່ຽວລ່ອງເຮືອ, ຂີ່ກົງເບັງລ່ອງແກ້ງ, ການຍ່າງປ່າເພື່ອສຶກສາທຳມະຊາດ ແລະ ກິດຈະກຳອື່ນໆ ໃຫ້ສົມກັບວ່າ ນ້ຳຕົກຕາດແຊປ້ອງໄລ ແມ່ນແຫຼ່ງທ່ອງທ່ຽວສະຫວັນແຫ່ງໃໝ່ ທີ່ອັດສະຈັນ ຢູ່ໃນແຂວງອັດຕະປື.

Editor: ເສດຖະກິດ-ການຄ້າ