ໃນວັນທີ 15 ພະຈິກ 2017 ຜ່ານມານີ້, ທີ່ຄະນະວິສະວະກໍາສາດ ມະຫາວິທະຍາໄລແຫ່ງຊາດ ( ວິທະຍາເຂດຖສກປ່າຫລວງ ) ໄດ້ຈັດພິທີເປີດຫ້ອງຮຽນຮູ້ ສ້າງແຮງບັນດານໃຈ ພາຍໃຕ້ໂຄງການ ຜູ້ສ້າງອະນາຄົດ ຫລື Maker of Tomorrow ເຊີ່ງເປັນອາຄານຂະຫນາດນ້ອຍ ເນື້ອທີ່ພຽງ 36 ຕາແມັດ, ເຊິ່ງໂຄງການດັ່ງກ່າວ ເປັນການຮ່ວມມື ລະຫວ່າງ ພາກວິຊາວິສະວະກໍາສາດ ມະຫາວິທະຍາໄລແຫ່ງຊາດ ກັບ ບໍລິສັດ ບອສ ຜູ້ສະຫນອງດ້ານເຕັກໂນໂລຊີ ແລະ ການບໍລິການຊັ້ນນໍາຂອງໂລກ. ໃນພິທີເປີດ ເຂົ້າຮ່ວມເປັນປະທານ ໂດຍ ທ່ານ ສາດສະດາຈານ ປອ ສົມສີ ຍໍພັນໄຊ ອະທິການບໍດີ ມະຫາວິທະຍາໄລແຫ່ງຊາດ, ທ່ານ ແອນ ດຼິວ ເດ ຈອງ ຜູ້ອໍານວຍການໃຫຍ່ ບໍລິສັດ ບອສ ພູມມີພາກ ປະເທດລາວ, ກໍາປູເຈຍ ແລະ ມຽນມາ ພ້ອມກັນນີ້ຍັງມີ ຫົວຫນ້າກົມສຶກສາຊັ້ນສູງ, ກະຊວງສຶກສາທິການ ແລະ ກິລາ, ຫົວຫນ້າສະຖາບັນພັດທະນາການສຶກສາວິຊາຊີບ, ຫົວຫນ້າ-ຮອງຫົວຫນ້າຄະນະບໍດີ ພາຍໃນຄະນະ, ຄູອາຈານ, ນັກສຶກສາ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ ຢ່າງພ້ອມພຽງ.

ໂຄງການນັກສ້າງສັນວັນໃຫມ່ ແມ່ນເປັນໂຄງການຫນຶ່ງ ທີ່ດີສໍາລັບນັກສຶກສາ ທີ່ຕິດພັນກັບການຮຽນ-ການສອນ ພາກປະຕິບັດ ແລະ ຊີວິດປະຈໍາວັນຫລາຍທີ່ສຸດ ເຮັດໃຫ້ນັກສຶກສາມີຄວາມກະຕຶລືລົ້ນຍາກຮຽນ ແລະ ອອກແຮງງານ, ຜ່ານປະສົບການຫລາຍຕົວຈິງເທົ່າໃດ ກໍ່ຍິ່ງເຮັດໃຫ້ມີຄວາມຮູ້-ຄວາມສາມາດຫລາຍ ສາມາດນໍາໃຊ້ຄວາມຮູ້-ຄວາມສາມາດເລົ່ານັ້ນ ເຂົ້າໃນຂະບວນການຜະລິດ ໃຫ້ມີຄຸນນະພາບ ແລະ ມີປະສິດທີພາບ. ອາຄານດັ່ງກ່າວ ແມ່ນຈະເປັນບ່ອນພົບປະເຊີ່ງກັນ ແລະ ກັນ ເພື່ອສຶກສາຄົ້ນຄວ້າ ຝຶກອົບຮົມທິດສະດີການນໍາໃຂ້ເຄື່ອງມື ຢ່າງຖືກຕ້ອງຕາມວິທີ ແລະ ຖືກຫລັກການ ສໍາລັບງານວິສາວະກໍາຕ່າງໆ. ຕາມການພັດທະນາເຕັກໂນໂລຊີ ທີ່ມີການປ່ຽນແປງ ຢ່າງໄວວາ, ພ້ອມດຽວກັນນັ້ນ ການຮັກສາດ້ານຄວາມສາອາດ ກໍ່ເປັນສິ່ງສໍາຄັນ ແລະ ມີຄວາມຈໍາເປັນ ຕ້ອງໄດ້ເອົາໃຈໃສ່ ເນື່ອງຈາກວ່າ ໂຄງການນີ້ ເກີດຂື້ນໄດ້ ຍ້ອນເຫດຜົນ ສະຖານທີ່ແຫ່ງນີ້ເຄີຍເປີເປື້ອນ ແລະ ເປັນແຮງບັນດາໃຈ ໃນການຄໍານຶງເຖິງສິ່ງແວດລ້ອມ ເຕັກໂນໂລຊີ, ການນໍາໃຊ້ນໍ້າ ຈາກທໍາມະຊາດ ໃຫ້ມີປະສິດທິພາບ. ໂຄງການ Maker of Tomorrow ຫລື ນັກສ້າງສັນວັນໃຫມ່ ຜູ້ສ້າງອະນາຄົດ ແມ່ນໄດ້ຮັບການອອກແບບຈາກວິສາວະກອນຫນຸ່ມ ( ນັກສຶກສາ 3 ທ່ານ ) ຄື: ທ່ານ ອະນຸສອນ ສີສຸທໍາ, ທ່ານ ສຸພະໄຊ ໄຊຍະວົງ ແລະ ທ່ານ ນຸສິນ ນໍາມານິນິນ ເຊີ່ງເປັນຜູ້ປ່ຽນຖ່າຍພື້ນທີ່ຖັງນໍ້າທີ່ບໍ່ໄດ້ໃຊ້ ໃຫ້ກາຍເປັນສະຖານທີ່ຮຽນຮູ້ທີ່ສ້າງສັນ ແລະ ຍືນຍົງ ໂດຍການສະຫນັບສະຫນູນ ຈາກ ບອສ.

Editor: ກຳປານາດ ລັດຖະເຮົ້າ