ໃນວັນທີ 18 ທັນວາ 2017 ສະມາຄມນັກປະພັນລາວ - ວາລະສາວັນນະສີນ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຮ່ວມກັບ ຮ້ານໂຕໜອນຫນັງສື ເພື່ອເປີດໂຄງການ ເທດສະການປື້ມ ປະຈໍາປີ 2017 . ໃນຫົວຂໍ້ ເສີມຄວາມຮູ້ ສູ່ຄວາມສະແຫວງອ່ານ, ໃຫ້ກຽດຖະແຫລງຂ່າວໃນຄັ້ງນີ້ໂດຍ ທ່ານນາງ. ພິວລາວັນ ຫຼວງວັນນາ ຮອງປະທານສະມາຄົມນັກປະພັນລາວ, ທ່ານນາງ. ພັດສະມາລີ ວັນຍາ ເຈົ້າຂງຮ້ານໂຕໜອນຫນັງສື ພ້ອມດ້ວຍບັນດາພາກສ່ວນກ່ຽວຂ້ອງ-ສື່ມວນຊົນເຂົ້າຮ່ວມ.

ຈຸດປະສົງໃນການ ຈັດງານເທດສະການປື້ ປະຈໍາປີ 2017ນີ້ ແມ່ນເພື່ອເປັນການສົ່ງເສີມການອ່ານ, ການຂຽນ, ການພີມຈໍາໜ່າຍ ສື່ສິ່ງພີມພາຍໃນປະເທດ , ເຮັດໃຫ້ງານດັ່ງກ່າວເປັນເວທີສົນທະນາ ການພົບປະແລກປ່ຽນ ລະຫວ່າງ ຜູ້ອ່ານ ແລະ ຜູ້ຂຽນ ເພື່ອສ້າງກິດຈະກໍາຕ່າງໆ ກ່ຽວກັບການອ່ານ, ການຂຽນ ບົດປະພັນວັນນະກໍາ ໂດຍໃຫ້ມວນຊົນໄດ້ມີສ່ວນຮ່ວມ ແລະ ໄດ້ມີຄວາມຮູ້ ຄວາມເຂົ້າໃຈກ່ຽວກັບປື້ມອ່ານ ໂດຍສະເພາະປື້ມວັນນະກໍາລາວ.

ສໍາລັບງານ ເທດສະການປື້ມ ປະຈໍາປີ 2017 ນີ້ ແມ່ນມີຫລາຍກິດຈະກໍາເຊັ່ນ: ມີການວາງສະແດງ ແລະ ຈໍາໜ່າຍປື້ມ ປະເພດຕ່າງໆ ພ້ອມດ້ວຍອຸປະກອນເຄື່ອງຂຽນ ຈໍານວນ 60 ຮ້ານ, ມີການແຂ່ງຂັນ ການແຕ່ງກາບກອນ, ການອ່ານ, ມີເວທີເສວະນາ ໃຫ້ນັກປະພັນ, ນັກຂຽນ, ນັກຮຽນ, ຄູ-ອາຈານ ແລະ ຜູ້ເຂົ້າຮ່ວມໄດ້ ແລກປ່ຽນບົດຮຽນ, ມີການສະແດງລະຄອນ, ສີລະປະ, ການຮ້ອງເພງຈາກສີນລະປີນ, ການເດີນແບບຊຸດຫຸ່ນຕຸກກະຕາ ເຊັ່ນ: ທ້າວ ກໍາກາດໍາ, ສັງສີນໄຊ, ພະຍາຄັນຄາກ ແລະ ອື່ນໆ

ງານແມ່ນຈະເລີ່ມຂື້ນ ໃນວັນທີ 21 ທັນວາ 2017 ກໍ່ຄືມື້ອື່ນນີ້ ຈົນເຖິງວັນທີ 25 ທັນວາ 2017 ທີ່ ໄອເຕັກມໍ ຊັ້ນ 6 ນະຄອນຫຼວງວຽງຈັນ. ຂໍເຊີນຊວນພໍ່ແມ່ປະຊາຊົນ ທຸກພາກສ່ວນ ທີ່ມັກໃນການອ່ານ, ການຂຽນ ຫຼື ພໍ່ແມ່ຜູ້ປົກຄອງ ທີ່ ຢາກປູກຈິດສໍານຶກ ໃຫ້ແກ່ນ້ອງນຸງ - ລູກຫລານ ໃຫ້ຮັກໃນການອ່ານ ການຂຽນ ກໍ່ສາມາດພາລູກຫຼານ ໄປທ່ຽວຊົມ ໄປສະແດງຄວາມສາມາດ ແລະ ຮ່ວມກິດຈະກໍາ ພາຍໃນງານ ກໍ່ສາມາດໄປຮ່ວມງານກັນໄດ້.

Editor: ກຳປານາດ ລັດຖະເຮົ້າ