ພິທີມອບ-ຮັບທຶນການສຶກສາ ໄດ້ຈັດຂຶ້ນໃນວັນທີ 19 ທັນວາ 2017 ນີ້, ທີ່ມະຫາວິທະຍາໄລແຫ່ງຊາດ, ຕາງໜ້າມອບໂດຍ ທ່ານ ຫວາງ ເຫວີນທ່ຽນ ເອກອັກຄະລັດຖະທູດຈີນປະຈໍາ ສປປລາວ ແລະ ກ່າວຮັບໂດຍ ທ່ານ ສາດສະດາຈານ ສົມສີ ຍໍພັນໄຊ ວ່າການອະທິການບໍດີມະຫາວິທະຍາໄລແຫ່ງຊາດລາວ. ໂດຍການເຂົ້າຮ່ວມເປັນສັກຂີພິຍານຂອງຄູອາຈານ, ນັກສຶກສາ ແລະ ພາກສ່ວນກ່ຽວຂ້ອງທັງສອງຝ່າຍ.

ສໍາລັບທຶນການສຶກສາທີ່ສະຖານທູດ ສປ ຈີນ ປະຈໍາ ສປປ ລາວ ໄດ້ມອບໃຫ້ຄັ້ງນີ້ແມ່ນເປັນຄັ້ງທີ 4 ນີ້, ເພື່ອມອບໃຫ້ນັກສຶກສາປີທີ 1 ຜູ້ທີ່ມີການຮຽນລະດັບເກັ່ງ, ມີການປະພຶດດີ, ຖານະຄອບຄົວທຸກຍາກ ແລະ ມາຈາກຕ່າງແຂວງ ຈໍານວນ 50 ຄົນ ( ຍິງ 25 ຄົນ), ຈາກຜູ້ສະໜັກທັງໝົດ 65 ຄົນ. ປະຈຸບັນນັກສຶກສາໄດ້ຮັບທຶນການສຶກສາຈາກສະຖານທູດ ສປ ຈີນ ປະຈໍາ ສປປ ລາວແລ້ວ 182 ທຶນ, ໃນນັ້ນປີທີ 1 ມີຈໍານວນ 50 ຄົນ, ປີທີ 2 ມີຈໍານວນ 50 ຄົນ, ປີທີສາມ ມີ 50 ຄົນ ແລະ ປີທີສີ່ ມີຈໍານວນ 32 ຄົນ.

Editor: ກຳປານາດ ລັດຖະເຮົ້າ