ເພື່ອເປັນການເຊື່ອມສາຍສໍາພັນອັນດີງາມ ລະຫວ່າງ 2 ມະຫາວິທະຍາໄລ ກໍ່ຄື ມະຫາວິທະຍາໄລແຫ່ງຊາດລາວ ( ມຊ) ແລະ ມະຫາວິທະຍາໄລ ທໍາມະສາດ ແຫ່ງ ຣາດຊະອານາຈັກໄທ ທາງດ້ານສີລະປະດົນຕຣີ ດັ່ງນັ້ນ ໃນຄໍ່າຄືນຂອງວັນທີ 12 ມັງກອນ 2018 ນີ້ ກຸ່ມນັກສຶກສາ ສຸລິຍາງສາກົນ ຈາກມະຫາວິທະຍາໄລທໍາມະສາດ ແຫ່ງປະເທດໄທ ພ້ອມດ້ວຍຄະນະຄູອາຈານ ໄດ້ນໍາທີມເອົາການສະແດງ ມາສະແດງດົນຕຣີ ຂື້ນທີ່ສະໂມສອນໃຫຍ່ ມະຫາວິທະຍາໄລແຫ່ງຊາດ, ໂດຍມີຄະນະອະທິການບໍດີ, ຮອງອະທິການບໍດີ, ຕະນະບໍດີ, ບັນດາຄູອາຈານ ແລະ ນັກສຶກສາ ເຂົ້າຮ່ວມຮັບຊົມ ຢ່າງພ້ອມພຽງ 

ການສະແດງຄອນເສີດ ກຸ່ມນັກສຶກສາ ສຸລິຍາງສາກົນ ແມ່ນໄດ້ນໍາເອົາການສະແດງໃນຫລາຍລາຍການ ມາສະແດງ ແລະ ຫນຶ່ງໃນນັ້ນ ຄືການບັນເລັງເພງຊາດ ທັງສອງປະເທດ, ຈາກນັ້ນ ຍັງມີການບັນເລງໃນຫລາຍໆບົດເພງ ທີ່ມ່ວນຊື່ນ ແລະ ມີຄວາມຫມາຍສໍາຄັນ. ໃນພິທີ ທ່ານ ຮອງສາດສະດາຈານ ສົມຈັນ ບຸນພັນມີ ຮອງອະທິການບໍດີ ມະຫາວິທະຍາໄລ ແຫ່ງຊາດ ໄດ້ໃຫ້ກຽດຂື້ນກ່າວຕ້ອນຮັບ ອັນອົບອຸ່ນ ແກ່ການເດີນທາງຂອງຄະນະຄູອາຈານ ແລະ ນັກສຶກສາ ຈາກ ມະຫາວິທະຍາໄລ ທໍາມະສາດ ເຊິ່ງການສະແດງຄອນເສີດ ຄັ້ງນີ້ ແມ່ນເປັນການສະແດງທີ່ມີຄວາມສໍາຄັນ ເພາະເປັນການແລກປ່ຽນວັດທະນະທໍາອັນດີງາມ ທາງດ້ານການສະແດງ ໂດຍສະເພາະການເຄື່ອງດົນດີ ພ້ອມກັນນັ້ນ ຍັງເປັນການແລກປ່ຽນບົດຮຽນ ເຊີ່ງກັນ ແລະ ກັນ ເປັນການສ້າງສາຍສໍາພັນມິດຕະພາບທີ່ດີງາມ ທັງສອງ ມະຫາວິທະຍາໄລ ອີກດ້ວຍ.

ພາຍໃນງານ ທັງສອງຝ່າຍ ແມ່ນໄດ້ມີການມອບຂອງຂວັນ ເຊີ່ງກັນ ລະ ກັນ, ຫລັງຈາກນັ້ນ ແມ່ນໄດ້ສຶບຕໍ່ຮັບຊົມ ການສະແດງຄອນເສີດ ໃນຫລາຍໆລາຍການ ທີ່ໄດ້ກະກຽມມາສະແດງໃນຄັ້ງນີ້.

Editor: ກຳປານາດ ລັດຖະເຮົ້າ