ເມື່ອບໍ່ດົນມານີ້ ທີ່ໂຮງແຮມຄຣາວພາຊາ, ນະຄອນຫລວງວຽງຈັນ ສູນການສຶກສາໄມໂຄຣເຕັກ ຮ່ວມກັບ StudyGroup ເຊີ່ງເປັນຕົວແທນ 28 ມະຫາວິທະຍາໄລ ທີ່ປະເທດອົດສະຕາລີ, ນິວຊີແລນ, ອັງກິດ ແລະ ເອີລົບ ໄດ້ຈັດງານພົບປະ ແລະ ໃຫ້ຂໍ້ມູນກ່ຽວກັບການໄປສຶກສາຕໍ່ທີ່ຕ່າງປະເທດ. ເຊີ່ງງານຄັ້ງນີ້ ທ່ານນາງ ບຸນນາລີ ຈຸນລະມະນີ ຜູ້ອໍານວນການສູນການສຶກສາ ໄມໂຄຣເທັກ ໄດ້ໃຫ້ສໍາພາດວ່າ: Study Group ເຊີ່ງເປັນຕົວແທນ ໃນ 28 ມະຫາວິທະຍາໄລ ໃນຫລາຍປະເທດ ໄດ້ເປັນພັດເນີກັບສູນການສຶກສາ ໄມໂຄຣເທັກ ຮ່ວມກັນມາ 20 ກວ່າປີແລ້ວ, ສໍາລັບສູນ ແມ່ນໄດ້ຈັດສົ່ງນັກຮຽນຜູ້ທີ່ຕ້ອງການໄປຮຽນຕໍ່ໃຫ້ ໃນແຕ່ລະປີ. ເຊີ່ງສູນການສຶກສາໄມໂຄຣເທັກ ເປັນຜູ້ໃຫ້ຄໍາປຶກສາເປັນຫລັກ ກ່ຽວກັບການໄປສຶກສາຕໍ່ທີ່ຕ່າງປະເທດ ຢ່າງລະອຽດ ຂໍ້ມູນຕ່າງໆ ເຊັ່ນ: ການໄປຮຽນທີ່ປະເທດໃດ, ມະຫາວິທະຍາໄລໃດ, ຄ່າໃຊ້ຈ່າຍຕ່າງໆ, ທີ່ພັກ ແລະ ບັນດາເອກະສານຕ່າງໆທີ່ກ່ຽວຂ້ອງຄົບຖ້ວນ.

ທ່ານນາງ ບຸນນາລີ ຈຸນລະມະນີ ກ່າວຕື່ມວ່າ: ການຈັດງານພົບປະ ຄັ້ງນີ້ ຈຸດປະສົງຫລັກ ເພື່ອເປັນການໃຫ້ຄໍາປຶກສາ ກ່ຽວກັບຂໍ້ມູນ ການໄປຮຽນຕໍ່ທີ່ຕ່າງປະເທດ ໃນຫລາຍໆປະເທດ, ຫລາຍໆມະຫາວິທະຍາໄລ ທີ່ນອນຢູ່ໃນເຄືອ 28 ມະຫາວິທະຍາໄລ ໃນອັງກິດ, ອົດສະຕາລີ, ແນວຊີແລນ ແລະ ເອີລົບ. ພ້ອມກັນນັ້ນ ຍັງໄດ້ເຊື້ອເຊີນເອົາ ທີມງານ Study Group ຮ່ວມໃຫ້ຄໍາປຶກສາລາຍລະອຽດກ່ຽວກັບຊໍ້ມູນການສືກສາທີ່ຕ່າງປະເທດຢ່າງລະອຽດ. ສໍາລັບກຸ່ມເປົ້າຫມາຍ ນັກຮຽນ ມີທັງກຸ່ມເດີນທາງໄປຊໍາເມີ, ກຸ່ມເດີນທາງໄປບໍາລຸງພາສາ ແລະ ກຸ່ມໄປສຶກສາຕໍ່ປະລິນຍາຕຣີ ແລະ ປະລິນຍາໂທ.

Editor: ກຳປານາດ ລັດຖະເຮົ້າ