ຄະນະວິສາວະກຳສາດ (ຄວສ) ມະຫາວິທະຍາໄລແຫ່ງຊາດ ໄດ້ຈັດງານຕະຫຼາດນັດຊອກແຮງງານ ແລະ ການສຶກສາ ຄັ້ງທີ 7 ປະຈໍາປີ 2018 ຂື້ນເມື່ອບໍ່ດົນມານີ້ ຢູ່ທີ່ຄະນະດັ່ງກ່າວ ເຊີ່ງງານດັ່ງກ່າວເປັນການສ້າງໂອກາດນັກສຶກສາພາຍໃນຄະນະ ແລະ ຄະນະອື່ນໆ ໄດ້ພົບປະກັບຫົວໜ່ວຍທຸລະກິດເພື່ອເປັນການແລກປ່ຽນບົດຮຽນ ແລະ ໄດ້ຊອກຫາເພື່ອນຮ່ວມງານທີ່ຖືກຕ້ອງກັບຄວາມຕ້ອງການ, ເພື່ອເປັນການສ້າງສາຍພົວພັນແຮງງານທີ່ດີ ລະຫ່ວາງ ບັນດາບໍລິສັດ ແລະ ມະຫາວິທະຍາໄລ, ໂຮງຮຽນ ຕອບສະໜອງແຮງງານໃຫ້ໃຫ້ຖືກຕ້ອງກັບຄວາມຕ້ອງການຂອງຕະຫຼາດແຮງງານໃນອະນາຄົດ.

ນອກຈາກນີ້, ເພື່ອຊ່ວຍເອື້ອອໍານວຍຄວາມສະດວກໃນການຊອກວຽກເຮັດງານທໍາ ທີ່ຫຼາກຫຼາຍໃຫ້ບັນດານັກສຶກສາ, ເຊິ່ງມີຕຳແໜ່ງງານຫຼາຍກວ່າ 1,000 ຕຳແໜ່ງງານໃນຫລາຍຂະແໜງ ການຕ່າງໆ ເຊັ່ນ: ຂະແໜງການບໍ່ແຮ່, ຂະແໜງໄອທີ, ຂະແໜງປະກັນໄພ, ຂະແໜງ ທະນາຄານ, ຂະແໜງໂຮງແຮມ, ບັນດາບໍລິສັດວິສາຫາກິດ, ກະສິກໍາ, ພະລັງງານ, ເຈັກໂນໂລຊີ ລ້ວນແຕ່ ຊາດແຮງງານໃນຫຼາຍຕຳແໜ່ງທີ່ຕ້ອງການນັກສຶກສາ ເປີດໂອກາດດີທີຈະເຮັດວຽກນັກສຶກສາທີ່ຈົບໃໝ່ຫຼາຍກວ່າ 1,000 ກວ່າຄົນ, ໃນຄະນະວິສາວະກໍາສາດ ແລະ ກໍາລັງຮຽນຢູ່ ແລະ ຍັງມີບັນດານັກສຶກສາຈາກສະຖາບັນອື່ນໆອີກທີ່ຈະໄດ້ວຽກເຮັດງານທຳ ນອກນີ້ຍັງເປັນການຊ່ວຍສ້າງສາຍພົວພັນ ລະຫ່ວາງ ສະຖາບັນການສຶກສາ ແລະ ຫົວໜ່ວທຸລະກິດ ພາຍໃນລະຫ່ວາງປະເທດ ເພື່ອຊ່ວຍໃຫ້ນັກສຶກສາໃນ ຄະນະວິສາວະກຳສາດ, ສະຖາບັນການສຶກສາອື່ນໆ ທີ່ເຂົ້າຮ່ວມງານໃນຄັ້ງນີ້ ໄດ້ຮັບໂອກາດດີໃນການຕິດຕໍ່ກັບບັນດາຫົວໜ່ວຍທຸລະກິດ ໄດ້ໂດຍກົງ ແລະ ຮັບຟັງປະສົບການຈາກບັນດາບໍລິສັດ ເພື່ອເປັນໂອກາດໃນການກຽມຄວາມພ້ອມ ເຂົ້າສູ່ຕະຫຼາດແຮງງານທີ່ມີຄຸນນະພາບ ອີກດ້ວຍ. ສໍາລັບປີ 2018 ເປັນຄັ້ງທີ 7 ເຊີ່ງຈັດຂື້ນໃນທຸກໆປີ ເລີ່ມມາແຕ່ປີ 2012 ເປັນຕົ້ນມາ ແລະ ປີນີ້ ມີນັກສືກສາພາຍໃນຄະນະ ແລະ ນັກຮຽນຈາກສະຖາບັນອື່ນ ເຂົ້າຮ່ວມ ລວມແລ້ວ 1,000 ກວ່າຄົນ

Editor: ກຳປານາດ ລັດຖະເຮົ້າ