ເມື່ອບໍ່ດົນມານີ້ ຢູ່ທີສະໂມສອນຫ້ອງານສຶກສາເມືອງຊໍາໃຕ້ ໄດ້ຈັດກອງປະຊຸມພົບປະແລກແລກປ່ຽນບົດຮຽນວຽກງານການສຶກສາຮອບດ້ານ ລະຫວ່ງ 2 ເມືອງ ຄື: ຫ້ອງການສຶກສາທິການ ແລະ ກິລາເມືອງຊໍາໃຕ້ ແລະ ຫ້ອງການສຶກສາທິການ ແລະ ກິລາເມືອງກ້ວນ ຂື້ນຢ່າງເປັນການ, ມີຜູ້ເຂົ້າຮ່ວມທັງໝົດ 57 ຄົນ, ຍີງ 11 ຄົນ, ເຊີ່ງເມືອງຊໍາໃຕ້ ນໍາໂດຍ ທ່ານ ມີໄຊ ພອນທະວີສຸກ ຮັກສາການຫົວໜ້າຫ້ອງການສຶກສາທິການ ແລະ ກິລາ ເມືອງຊໍາໃຕ້ ພ້ອມດ້ວຍຄະນະ, ສໍາລັບເມືອງກ້ວນ ນໍາໂດຍ ທ່ານ ລຽນພອນ ຄູນຫອມໄຊ ຮັກສາການຫົວໜ້າສຶກສາທິການ ແລະ ກິລາເມືອງກ້ວນພ້ອມດ້ວຍຄະນະ

ໃນພິທີຍັງໄດ້ຮັບຟັງບົດສະຫຼູບສະພາບການຈັດຕັ້ງປະຕິບັດວຽກງານການສຶກສາ ແລະ ກິລາທັງສອງເມືອງ ໃນສົກຮຽນ 2016 – 2017 ແລະ ສົກຮຽນ 2017 – 2018, ເຊີ່ງ ເມືອງກ້ວນ ເປັນເມືອງໃໝ່ ທີ່ແຍກອອກຈາກເມືອງຊໍາໃຕ້, ສໍາລັບ 2 ເມືອງນີ້ ປະກອບມີ 9,562 ຫຼັງຄ່າເຮືອນ, ມີປະຊາກອນ 63,427 ຄົນ, ຍີງ 31,217 ຄົນ, ມີ 3 ເຜົ່າຢູ່ຮ່ວມກັນ ຄື: ເຜົ່າລາວໄຕ, ເຜົ່າອີ້ວມຽນ ແລະ ເຜົ່າຂະແມ, ມີພະນັກງານພາຍໃນຂະແຫນງການສຶກສາທິການ ແລະ ກິລາ, ທັງໝົດ 884 ຄົນ, ຍີງ 288 ຄົນ, ມີໂຮງຮຽນມັດທະຍົມຕອນປ້າຍ 7 ແຫ່ງ, ຕອນຕົ້ນ 28 ແຫ່ງ, ປະຖົມສົມບຸນ 178 ແຫ່ງ ແລະ ອະນຸບານ 46 ແຫ່ງ. ສໍາລັບແຜ່ນໃນຕໍ່ໜ້າ ຈະຈັດພິທີແລກປ່ຽນບົດຮຽນວຽງງານການສຶກສາ ລະຫວ່າງ ສອງເມືອງ 2 ປີ /ຄັ້ງ, ໂດຍຈັດປ່ຽນກັນເປັນເຈົ້າພາບ ແລະ ຈະຖອດຖອນບົດຮຽນນໍາກັນໄປເລືອຍໆ ເພື່ອບໍ່ມີຈຸດອອ່ນທີ່ຄົງຄ້າງ

ໃນກອງປະຊຸມຄັ້ງນີ້ ຍັງໄດ້ພັດປຽນກັນມີຄໍາຄິດຄໍາເຫັນສົນທະນາແລກປ່ຽນບົດຮຽນ ເຊີ່ງກັນ ແລະ ກັນຢ່າງກົງໄປກົງມາກ່ຽວກັບວຽກງານການສຶກສາ ເປັນຕົນແມ່ນ: ວິທີແກ້ໄຂຂໍ້ຄົງຂ້າງໃນຕໍ່ໜ້າ,ລົງກວດກາຊຸກຍູ້ການແຕ່ງບົດສອນຂອງຄູອາຈານ, ເຮັດໃຫ້ພະນັກງານມີຄວາມຮັບຜິດຊອບສູງໃນວຽກງານຂອງຕົນ ເພື່ອໃຫ້ວຽກງານການສຶກສາດີຂື້ນເປັນກ່າວກ່າວ

Editor: ກຳປານາດ ລັດຖະເຮົ້າ