ພິທີສະເຫຼມສະຫຼອງວັນກິລາກາຍະກຳແຫ່ງຊາດລາວ ຄົບຮອບ 52 ປີ ( ວັນທີ 13 ກໍລະກົດ 1966 – 13 ກໍລະກົດ 2018 ) ໄດ້ຈັດຂື້ນໃນຕອນເຊົ້າວັນທີ 13 ກໍລະກົດ 2018 ທີ່ເດີນກິລາຮົມຂອງແຂວງ ໂດຍໃຫ້ກຽດເຂົ້າຮ່ວມຂອງ ທ່ານນາງ ບຸນພັກ ອິນທະປັນຍາ ກຳມະການປະຈຳພັກແຂວງ ຮອງເຈົ້າແຂວງໄຊຍູລີ, ມີກໍາມະການ ປະຈໍາພັກເມືອງ ຫົວໜ້າຮອງຫົວໜ້າພະແນກການ ພະນັກງານ ກົມກອງ ພ້ອມດ້ວຍພໍ່ແມ່ປະຊາຊົນເຂົ້າຮ່ວມຢ່າງພ້ອມພຽງ.

ໃນພິທີ ທ່ານນາງ ບຸນພັກ ອິນທະປັນຍາກຳມະການປະຈຳພັກແຂວງ ຮອງເຈົ້າແຂວງໄຊຍະບູລີ ກໍ່ໄດ້ກ່າວເປີດພິທີຢ່າງເປັນທາງການ, ຈາກນັ້ນ ກໍ່ໄດ້ຫັດກາຍະກໍາບໍລິຫານ 9 ທ່າ ແລະເຕັ້ນເອໂລບິກ ທັ້ງນີ້, ກໍ່ເພື່ອເປັນການສະເຫຼີມສະຫຼອງວັນທີ່ມີຄວາມໝາຍສໍາຄັນດ່ັງກ່າວ ພ້ອມທັງເປັນການປົກປັກຮັກສາ ແລະເສີມຂະຫຍາຍມູນເຊື້ອອັນດີງາມ ເຮັດໃຫ້ປະຊາຊົນບັນດາເຜົ່າ ໄດ້ມີສ່ວນຮ່ວມເປັນເຈົ້າການ ແລະ ເຂົ້າເຖິງວຽກງານກິລາກາຍະກໍາໃຫ້ຫຼາຍຂື້ນ ແລະ ຖືເອົາວຽກງານກາຍະກຳເປັນສ່ວນໜື່ງໃນການພັດທະນາຊັບພະຍາກອນມະນຸດ ເຮັດໃຫ້ເດັກ ແລະ ເຍົາວະຊົນຮ່າງໄກຈາກສິ່ງເສບຕິດຕ້ານປະກົດການຫຍໍ້ທໍ້ໃນສັງຄົມໃຫ້ໝົດໄປເທື່ອລະກ້າວ

Editor: ກຳປານາດ ລັດຖະເຮົ້າ