ຄະນະພັກກອງບັນຊາການ ປກສ ແຂວງ ບໍລິຄຳໄຊ ໄດ້ຈັດພິທີມອບ-ຮັບໃບຢັ້ງຢືນນາມມະຍົດໜ່ວຍພັກເຂັ້ມແຂງ-ຮູ້ນຳພາຮອບດ້ານ ປະຈຳປີ 2017 ຂື້ນໃນຕອນເຊົ້າ ວັນທີ 14 ມີຖຸນາ 2018 ທີ່ສະໂມສອນກອງບັນຊາການ ປກສ ແຂວງ ໂດຍການໃຫ້ກຽດເຂົ້າຮ່ວມເປັນປະທານຂອງ ສະຫາຍ ນາງ ພອນໄຊ ເລືອງມີໄລ ກຳມະການພັກແຂວງ ຫົວໜ້າໂຄສະນາ-ອົບຮົມແຂວງ ບໍລິຄຳໄຊ, ມີສະຫາຍ ພັນໂທ ຜາຂົງ ດອກມະນີຈັນ ປະທານກວດກາ ຄະນະພັກ ຮອງຫົວໜ້າກອງບັນຊາການ ປກສ ແຂວງ, ມີຄະນະພັກ, ເລຂາໜ່ວຍພັກ , ແຂກຖືກເຊີນ ຕະຫຼອດຮອດພະນັກງານສະມາຊິກພັກ ເຂົ້າຮ່ວມ.
ສະຫາຍ ພັນໂທ ເຄນພອນ ຄຳພະໄຊ ເລຂາໜ່ວຍພັກຮາກຖານຫົວໜ້າຫ້ອງ ຫ້າສູນສີ່ 504 ໄດ້ຕາງໜ້າ 10 ໜ່ວຍພັກທີ່ຂື້ນກັບ, ຂື້ນຜ່ານບົດສະຫຼຸບການກໍ່ສ້າງໜ່ວຍພັກເຂັ້ມແຂງ-ຮູ້ນໍາພາຮອບດ້ານປະຈໍາປີ 2017 ແລະ ທິດທາງແຜນການປີ 2018, ເຊີ່ງສະຫາຍໄດ້ຍົກໃຫ້ເຫັນຫຼາຍດ້ານ ເຊັ່ນ: ໜ່ວຍພັກຮາກຖານ ໄດ້ຖືເອົາວຽກງານສືກສາອົບຮົມການເມືອງ-ແນວຄິດເປັນຕົ້ນຕໍສຳຄັນ ຕໍ່ພະນັກງານ-ນັກຮົບ, ເອົາໃຈໃສ່ຊີ້ນໍາ-ນໍາພາພະນັກງານ-ນັກຮົບເຮັດໜ້າທີ່ວຽກງານວິຊາສະເພາະ ສຸມໃສ່ແກ້ໄຂບັນຫາປະກົດການຫຍໍ້ທໍ້ຕ່າງໆທີ່ເກີດຂື້ນໃນສັງຄົມ, ເອົາໃຈໃສ່ເຮັດວຽກງານປ້ອງກັນຊາດ-ປ້ອງກັນຄວາມສະຫງົບ ຢ່າງຮອບດ້ານ, ຄຽງຄູ່ກັນກັບວຽກງານກໍ່ສ້າງພັກ-ກໍ່ສ້າງພະນັກງານ. ຜ່ານການປະເມີນດ້ານດີໃນໃນການຈັດຕັ້ງປະຕີບັດ ຂໍ້ແຂ່ງຂັນ 4 ດ້ານ ແລະ 5 ເນື້ອໃນ ສາມາດຕີລາຄາດ້ານດີຄື: 1. ດ້ານການເມືອງ ບັນລຸໄດ້ 94% 2. ດ້ານແນວຄິດບັນລຸໄດ້ 93% 3. ດ້ານການຈັດຕັ້ັງປະຕິບັດ ບັນລຸໄດ້ 95% 4. ດ້ານແບບແຜນການນໍາພາ ບັນລຸໄດ້ 92% ແລະ 5 ເນື້ອໃນ ຄື: 1. ການນໍາພາວຽກງານການເມືອງ-ແນວຄິດ ບັນລຸໄດ້ 95% 2. ດ້ານການນຳພາວຽກງານວິຊາສະເພາະ-ອົງການຈັດຕັ້ງມະຫາຊົນ ບັນລຸໄດ້ 96% 3. ນຳພາດ້ານວຽກງານປະຕິບັດນະໂຍບາຍ-ແກ້ໄຂຊີວິດການເປັນຢູ່ ບັນລຸໄດ້ 95% 4.ນໍາພາວຽກງານປ້ອງກັນຄວາມສະຫງົບ-ຄວາມເປັນລະບຽບຮຽບຮ້ອຍພາຍໃນບັນລຸໄດ້ 94% 5. ນໍາພາວຽກງານກໍ່ສ້າງພັກ-ປັບປຸງກົມກອງ ບັນລຸໄດ້ 93% . ຜ່ານການສະຫຼຸບການຈັດຕັ້ງປະຕິບັດຄືດັ່ງກ່າວ ຈື່ງຮັບຮອງໄດ້ 10 ໜ່ວຍພັກຮາກຖານ ທີ່ຂື້ນກັບຄະນະພັກ ກອງບັນຊາການ ປກສ ແຂວງ ບໍລິຄໍາໄຊ ເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ປະຈຳປີ 2017 . ສະຫາຍຍັງໄດ້ຍົກໃຫ້ເຫັນ ດ້ານອ່ອນ, ຂໍ້ຄົງຄ້າງ ທີ່ຈະຕ້ອງໄດ້ພ້ອມກັນແກ້ໄຂໃນຕໍ່ໜ້າຕື່ມອີກ.
ໂອກາດດັ່ງກ່າວ ສະຫາຍ ພັນໂທ ຄຳໄມ ແກ່ນຄຳຈັນ ຮອງປະທານກວດກາຄະນະພັກ ຮັກສາການຫົວໜ້າຫ້ອງການເມືອງໄດ້ຂື້ນຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຮັບຮອງເອົາໜ່ວຍພັກເຂັ້ມແຂງ-ຮູ້ນຳພາຮອບດ້ານ ປະຈຳປີ 2017 ໃຫ້ກຽດຂື້ນມອບໃບຢັ້ງຢືນນາມມະຍົດໜ່ວຍພັກເຂັ້ມແຂງ-ຮູ້ນຳພາຮອບດ້ານໂດຍ ສະຫາຍ ນາງ ພອນໄຊ ເລືອງມີໄລ ກຳມະການພັກແຂວງ ຫົວໜ້າໂຄສະນາ-ອົບຮົມແຂວງບໍລິຄຳໄໍຊ.
Editor: ປກສແຂວງບໍລິຄຳໄຊ
