ເມື່ອເວົ້າເຖິງ ວັນອັກເສບຕັບໂລກແມ່ນໄດ້ຈັດຕັ້ງປະຕິບັດໃນທຸກໆປີ ໃນວັນທີ 28 ເດືອນກໍລະກົດ ເພື່ອຂະຫຍາຍຕາໜ່າງການໃຫ້ສຸກຂະສຶກສາ ແລະ ເປີດໂອກາດແກ່ຄົນລຸ້ນໃຫມ່ ໃຫ້ມີຄວາມເຂົ້າໃຈກ່ຽວກັບພະຍາດຕັບອັກເສບເພື່ອເສີມຂະຫຍາຍມີການແກ້ໄຂບັນຫາທາງດ້ານສາທາລະນະສຸກໃນທົ່ວໂລກ. ເຊິ່ງມີຫຼາຍກວ່າ 100 ປະເທດທົ່ວໂລກເຂົ້າຮ່ວມຈັດກິດຈະກໍາ ເພື່ອສຸມໃສ່ການປູກຈິດສໍານຶກ ແລະ ແນ່ໃສ່ວຽກງານການປ້ອງການ, ການກວດ ແລະ ປິ່ນປົວ ໃຫ້ມີປະສິດທິພາບ ແລະ ປະສິດທີ່ຜົນຫຼາຍຂຶ້ນ. ໃນປີນີ້ປະເທດລາວເຮົາ  ກໍ່ໄດ້ມີການກະກຽມຈັດຕັ້ງປະຈິບັດ ກິດຈະກຳທີ່ກ່ຽວຂ້ອງ ກັບວັນດັ່ງກາວເປັນຄັ້ງທຳອິດ.  World Hepatitis Day ຫຼື ວັນອັກເສບຕັບໂລກ ເພື່ອສຸມໃສ່ການປູກຈິດສໍານຶກໃນລະດັບຊາດ ແລະ ລະດັບສາກົນ ກ່ຽວກັບພະຍາດດັ່ງກ່າວ.

ໂອກາດນີ້ ລາຍການມີບົດສຳພາດ ທ່ານ ຮອງສາດສະດາຈານ ດຣ, ບຸນຫນັກ ໄຊຊະນະສົງຄາມ  ຫົວຫນ້າກົມປີ່ນປົວ ແລະ ຟື້ນຟູ ຫນ້າທີ່ການ, ກະຊວງສາທາລະນະສຸກ   ທ່ານໄດ້ຍົກໃຫ້ເຫັນຄວາມເປັນມາ ແລະ ຄວາມ ຫມາຍສຳຄັນຂອງວັນ ອັກເສບຕັບໂລກ ດັ່ງກ່າວ, ລວມທັງຍົກໃຫ້ເຫັນເຖິງສາເຫດການເປັນພະຍາດຕັບ ແລະ ວິທີການປ້ອງກັນ ຕໍ່ພະຍາດດັ່ງກ່າວ.

ປະເທດລາວ ແມ່ນຫນຶ່ງໃນບັນດາປະເທດທີ່ມີອັດຕາການຕິດເຊື້ອພະຍາດຕັບອັກເສບ ໂດຍສະເພາະແມ່ນຊະນິດ B ແລະ C ສູງ.  ຢູ່ໃນອັດຕາການຕິດເຊື້ອພະຍາດຕັບອັກເສບ B ຊຳເຮື້ອ ແມ່ນປະມານ 8,7% ທີ່ກວດພົບ ຈາກຜູ້ບໍລິຈາກເລືອດ ແລະ ອັດຕາການຕິດເຊື້ອພະຍາດຕັບອັກເສບ C ຊຳເຮື້ອແມ່ນ 0.7% ຫລື (49.000 ຄົນ). ອັດຕາການຕາຍ 41% ຂອງ ພະຍາດເຮັງແມ່ນພະຍາດມະເຮັງຕັບ (ສູງອັນດັບທີ່ 2 ຂອງໂລກ).