ເພື່ອເຮັດໃຫ້ການປະຕິບັດໂຄງການອາກາດປ່ຽນແປງ ຢູ່ 3 ແຂວງພາກໃຕ້ ຂອງ ສປປ ລາວ ຄື: ແຂວງອັດຕະປື, ເຊກອງ ແລະ ແຂວງສາລະວັນ ໃນການພັດທະນາລະບົບໂຄງລາງ ການສະໜອງນໍ້າ ແລະ ສຸຂະພິບານ ໃຫ້ທົນທານກັບການປັບຕົວສະພາບອາກາດ ແລະ ໄພພິບັດ ທີ່ມີຄວາມສ່ຽງຫຼາຍທີ່ສຸດ ໃນຖິ່ນຖານຊົນນະບົດ ແລະ ຕົວເມືອງ ຂອງ ສປປ ລາວ, ດັ່ງນັ້ນ ກອງປະຊຸມປະເມີນຜົນຄວາມສ່ຽງຂັ້ນແຂວງ ໄດ້ຈັດຂຶ້ນຢ່າງເປັນທາງການ ໃນວັນທີ 2-3 ສິງຫາ 2017ມານີ້. ຢູ່ທີ່ຫໍປະຊຸມໃຫ່ຍແຂວງອັດຕະປື ໂດຍການເຂົ້າຮ່ວມຂອງ ທ່ານ ປະລິນຍາເອກ ນາມ ວິຍະເກດ ເລຂາພັກແຂວງ, ເຈົ້າແຂວງອັດຕະປື, ມີ ທ່ານນາງ ວິໄລຄຳ ໄສສາລາດ ຮອງລັດຖະມົນຕີ ກະຊວງ ໂຍທາທິການ ແລະ ຂົນສົ່ງ ແລະ ທ່ານ ອາວີ ຊາກຳ ຫົວໜ້າຫ້ອງການພາກພື້ນຕາເວັນອອກສ່ຽງໃຕ້ ຂອງອົງການ (ຢູ່ເອັນ -ຮາປີຕັດ) ມີບັນດາເຈົ້າເມືອງ ແລະ ລັດວິສາຫະກິດນໍ້າປະປາ ແລະ ແຂກທີ່ຖືກເຊີນກ່ຽວຂ້ອງເຂົ້າຮ່ວມ

ໃນກອງປະຊຸມ ທ່ານ ພົມມາ ແວວລາວັນ ຫົວໜ້າກົນນໍ້າປະປາ, ກະຊວງ ໂຍທາທິການແລະ ຂົນສົ່ງ ໄດ້ຂຶ້ນສະເໜີກ່ຽວກັບສະພາບລວມຂອງໂຄງການ ໂດຍສະເພາະແມ່ນຄວາມເປັນມາ ແລະ ຮູບແບບຂອງໂຄງການ ເຊິ່ງໄດ້ລິເລີ່ມຈາກຫ້ອງການປະຈຳພາກພື້ນຂອງເອເຊຍ ແລະ ປາຊີຟີກຂອງອົງການສະຫະປະຊາຊາດ.ດ້ານເຄຫະສະຖານ ປະຈຳ ສປປ ລາວ...ໄດ້ໂຮມທືນຈາກກອງທືນປັບໂຕເຂົ້າກັບສະພາບການປ່ຽນແປງດິນຟ້າອາກາດ ເພື່ອປະຕິບັດ ໂຄງການ ອາກາດປ່ຽນແປງຢູ່ 3 ແຂວງ ແລະ 8 ເມື່ອງພາກໃຕ້ ຂອງລາວ. ທີມີຄວາມສ່ຽງຫຼາຍທີສຸດຄື ແຂວງສາລະວັນ ມີ 2ເມືອງ ຄື: ເມືອງສະໜ້ວຍ ແລະ ເມື່ອງຕະໂອ້ຍ, ແຂວງເຊກອງ ມີ 2 ເມືອງ, ເມືອງດາກຈຶງ ແລະ ເມືອງກະລືມ ແລະ ແຂວງອັດຕະປື ມີ 4 ເມືອງ ຄື: ເມືອງໄຊເສດຖາ,ເມືອງຊານໄຊ, ເມືອງສາມັກຄີໄຊ ແລະ ເມືອງພູວົງ ເຊິ່ງລວມທັງໜົດ 3 ແຂວງ ແລະ 8 ເມືອງ ແມ່ນ ມີ 128 ບ້ານ ແລະ ມີອົງປະກອບຂອງການຈັດຕັ້ງປະຕິບັດ ໂຄງການເປັນຕົ້ນການສ້າງຄວາມເຂັ້ມແຂວງ ເພື່ອຫຼຸດຜ່ອນຕໍ່ຜົນກະທົບໄພພິບັດ ການສ້າງຂີດຄວາມສາມາດໃນລະດັບຊຸມຊົນທ້ອງຖິ່ນເຂົ້າໃນການປັບຕົວ ຕໍ່ການປ່ຽນແປງຂອງສະພາບດິນຟ້າອາກາດ

ໄພພິບັດຂອງລະບົບພື້ນຖ່ານໂຄງລາງ ແລະ ຄຸ້ມຄອງດ້ານໂຄສະນາ ຄວາມຮູ້ ແລະ ຂ່າວສານ ພ້ອມທັງສະໜັບສະໜຸ່ນ ແລະ ຕິດຕາມໂຄງການເຊິ່ງມີມູນຄ່າໃນການຈັດຕັ້ງປະຕິບັດໂຄງການ 4 ລ້ານ 5 ແສນ ໂດລາ ຫຼື ເທົ່າກັບ 36 ຕື້ກີບ, ການຕິດຕັ້ງໂຄງການໃນໄລຍະ 4 ປີ ແຕ່ 2017-2020 ຈຸດປະສົງຂອງໂຄງການອາກາດປ່ຽນແປງ ແມ່ນ ການພັດທະນາລະບົບໂຄງລາງ, ການສະໜອງນໍ້າ ແລະ ສຸຂະພິບານ ໃຫ້ທົນທ່ານກັບການປັບຕົວເຂົ້າກັບສະພາບອາກາດ ແລະ ໄພພິບັດ ທີມີຄວາມສ່ຽງ ເພື່ອສຸມໃສການຄຸ້ມຄອງຊັບພະຍາກອນນໍ້າ, ລະບົບນໍ້າປະປາ ຂະໜາດນ້ອຍ ແລະ ສຸຂະພິບານ ໂດຍຊຸມຊົມມີສ່ວນຮ່ວມເພື່ອຕິດພັນ ແລະ ປັບຕົວເຂົ້າກັບການປ່ຽນແປງຂອງຂະບວນການ ເປັນຕົ້ນແມ່ນພາຍຸ, ນໍ້າຖ້ວມ, ໄພແຫ້ງແລ້ງ, ອຸທົບກະໄພ, ດິນເຈື່ອນແລະ ພະຍາດລະບາດ ໃນໂອກາດດຽວກັນນິ້ໃນກອງປະຊຸມ ຍັງໄດ້ພ້ອມກັນສືກສາຄົ້ນຄ້ວາ ວາງແຜນການຈັດຕັ້ງປະຕິບັດໂຄງການເພື່ອຊອກຈຸດ ແລະ ຂອບເຂດ ໃນແຕ່ລະເມື່ອງເພື່ອເປັນບູລິມະສິດໃນການເລີ່ມຕົ້ນປະຕິບັດໂຄງການ ໃຫ້ທວງທັນກັບສະພາບການ ໂດຍໃຊ້ລະບົບເທັກໂລຊີ ທີ່ທັນສະໄໜ່ ເຂົ້າຊ່ວຍເພື່ອເຮັດ

ບົດ ແລະ ພາບ: ທີມຂ່າວແຂວງອັດຕະປື

Editor: ກຳປານາດ ລັດຖະເຮົ້າ