"ເສັ້ນທາງສາຍໄຫມ ຕອນທີ 1"

ໃນລະຫວ່າງ ວັນທີ 22-28 ພຶດສະພາ 2016 ທີ່ຜ່ານມາ, ເພື່ອເປັນການສົ່ງເສີມການຮ່ວມມືທາງດ້ານຂໍ້ມູນຂ່າວສານ ລະຫວ່າງປະເທດຕາມເສັ້ນທາງສາຍໄໝທາງທະເລ ແລະ ແຂວງ ກວາງຕຸ້ງ ກັບອົງການຈັດຕັ້ງບັນດາປະເທດທີ່ນອນຢູ່ໃນເປົ້າຫມາຍ, ສະຖານີວິທະຍຸ ຊີອາໄອ (CRI) ແລະ ຄະນະກຳມະກຳສົ່ງເສີມການຄ້າ ແຂວງກວາງຕຸ້ງ ໄດ້ເປັນເຈົ້າພາບຈັດກິດຈະກຳນີ້ຂື້ນ ພາຍໃຕ້ຫົວຂໍ້ທີ່ວ່າ: ກວາງຕຸ້ງໃນສາຍຕາສື່ມວນຊົນ ສຳຄັນຂອງປະເທດຕາມເສັ້ນທາງສາຍໄຫມທາງທະເລ ສັດຕະວັດທີ 21 ປະຈຳປີ 2016. ໂດຍໄດ້ເຊີນເອົາສື່ຈາກປະເທດຕ່າງໆ ເຊັ່ນ: ສື່ພາຍໃນ ສປ ຈີນ, ສປປ ລາວ, ໄທ, ຫວຽດນາມ, ມຽນມາ, ກຳປູເຈຍ, ອິນໂດຍເນຍເຊຍ, ມາເລເຊຍ, ສ ເກົາຫລີ, ປາກິດສະຖານ, ສະເປນ, ອິຕາລີ ແລະ ໄນຈີເລຍ. ລວມທັງໝົດ 16 ພາກສ່ວນ ລວມເກືອບ 50 ຄົນ.

ການຈັດໂຄງການຄັ້ງນີ້ ຈຸດປະສົງ ເພື່ອເປັນການທັດສະນະການທ່ອງທ່ຽວ ແລະ ການເຈາະເລິກທາງດ້ານເສດຖະກິດ-ການຄ້າ ພາຍໃນ ແຂວງ ກວາງຕຸ້ງ, ໃນສາຍຕາຂອງສື່ປະເທດຕາມເສັ້ນທາງສາຍໄຫມທາງທະເລ, ຄະນະສື່ມວນຊົນ ໄດ້ສຳຜັດ ແລະ ເຫັນເຖິງການພັດທະນາ, ສຳຜັດວັດທະນະທຳ ທີ່ອຸດົມສົມບູນ ໃນແຂວງກວາງຕຸ້ງ ກໍ່ຄຶວັດທະນະທຳທາງພາກໃຕ້ຂອງປະເທດຈີນ.

ຂ່າວ: Khampanath LATTHAHAO