"ງານສະແດງຮູບເງົາ ແລະ ສາລະຄະດີ ເລື່ອງສັ້ນຂອງນັກສຶກສາສື່ສານມວນຊົນ"
ໃນວັນທີ 17 ມິຖຸນາ 2016 ທີ່ ຫໍວັດທະນະທຳແຫ່ງຊາດ ນະຄອນຫຼວງວຽງຈັນ ໄດ້ມີການສາຍຮູບເງົາ ແລະ ສະລະຄະດີເລື່ອງສັ້ນຂອງນັກສືກສາ ສາຂາວິຊາສື່ສານມວນຊົນຂື້ນ ໂດຍການເຂົ້າຮ່ວມຮັບຊົມສາລະຄະດີໃນຄັ້ງນີ້ມີ: ຄະນະນຳຈາກ ມະຫາວິທະຍາໄລແຫ່ງຊາດ, ເອກອັກຄະລັດຖະທູດເກົາຫລີ ປະຈຳ ສປປລາວ, ຜູ້ຕາງຫນ້າອົງການໂກຍກ້າປະຈຳ ສປປລາວ ພ້ອມດ້ວຍບັນແຂກທີມາຈາກກະຊວງ, ອົງການຈັດຕັ້ງຕ່າງໆ, ບໍລິສັດ, ນັກສືກສາ ແລະ ຜູ້ຊົມທັງພາຍໃນ ແລະ ຕ່າງປະເທດເຂົ້າຮ່ວມ. ຮູບເງົາທີ່ນໍ້າເຂົ້າສາຍພາຍໃນງານ ປະກອບມີຮູບເງົາເລື່ອງສັ້ນ, ມິດຕະພາບ, ໄຟຮັກ, ດ໋ອກເຕີ້ແຊມ, ພິເສດ ຮູບເງົາສັ້ນ ''ເລື່ອງສີ້ນ'' ແລະ ສາລະຄະດີ ຕິດຕາມຂີ້ເຫຍື້ອ, ຕິ່ງຄຳ, ແຈັກ, ສູ້ຕໍ່ໄປ, ບຸນປະເສີດ ແລະ ສາລະຄະດີຊ້າງລາວ. ຜ່ານການປະຕິບັດວຽກງານ ການຮຽນ-ການສອນ ການຝືກອົບຮົມສ້າງປະສົບການໃນການຜະລິດ ສາລະຄະດີ ແລະ ຮູບເງົາສັ້ນໃຫ້ແກ່ນັກສືກສາ ສາຂາວິຊາສື່ສານມວນຊົນ ໃນສົກຮຽນ 2015-2016 ຂອງ ທ່ານ ນາງ ຢອງຣາມກີມ ສາມາດເຮັດໃຫ້ນັກສືກສາ ສາຂາດັ່ງກ່າວ ໄດ້ຮຽນຮູ້, ເຂົ້າໃຈ, ຊືມຊັບເອົາປະສົບການ ແລະ ສາມາດພະລິດຮູບເງົາດັ່ງກ່າວມາຈັດສະແດງໃນງານຄັ້ງນີ້ ພ້ອມທັງຈະຕ້ອງໄດ້ນຳໄປໜູນໃຊ້ເຂົ້າໃນວຽກງານວິຊາສະເພາະໃນອະນາຄົດ. ທີ່ຂາດບໍໄດ້ກາຄືຜູ້ທີ່ໃຫ້ການສະໜັບສະໜູນ ບໍ່ວ່າຈະເປັນເອກອັກຄະລັດຖະທູດແຫ່ງສາທາລະນະລັດເກົ່າຫລີ, ອົງການໂກຍກ້າ ປະຈຳສປປລາວ ທີ່ໄດ້ໃຫ້ທືນສໜັບສະໜູນ ສະໜອງອຸປະກອນ ໃຫ້ແກ່ພາກວິຊາ ພາສາລາວ-ສື່ສານມວນຊົນ ແລະ ທ່ານນາງ ຢອງຣາມກີມ ທີ່ໄດ້ເອົາໃຈໃສ່ສິດສອນນັກສືກສາດ້ວຍດີຕະຫຼອດມາ ເຮັດໃຫ້ວຽກງານດັ່ງກ່າວມີຜົນສຳເລັດຢ່າງຈົບງາມ.
