"ພະແນກໂຍທາທິການ ແລະ ຂົນສົ່ງ ນວຈ ເຊື່ອມຊືມມະຕິກອງປະຊຸມໃຫຍ່ ຄັ້ງທີ X ຂອງພັກປະຊາຊົນປະຕິວັດລາວ"
ເມື່ອບໍ່ດົນມານີ້, ຢູ່ທີ່ຫ້ອງປະຊຸມພະແນກໂຍທາທິການ ແລະ ຂົນສົ່ງ ນະຄອນຫລວງວຽງຈັນ ໄດ້ຈັດກອງປະຊຸມເຊື່ອມຊຶມມະຕິກອງປະຊຸມໃຫຍ່ ຄັ້ງທີ X ຂອງພັກປະຊາຊົນປະຕິວັດລາວ, ໂດຍການເປັນປະທານ ຂອງ "ທ່ານ ເດດສົງຄາມ ທຳມະວົງ" ຫົວຫນ້າພະແນກໂຍທາທິການ ແລະ ຂົນສົ່ງ ນະຄອນຫລວງວຽງຈັນ, ເຂົ້າຮ່ວມຮັບຟັງມີຮອງພະແນກ, ຫົວຫນ້າຂະແຫນງການ ພະນັກງານວິຊາການ ພາຍໃນພະແນກ, ທີ່ກ່ຽວຂ້ອງເຂົ້າຮ່ວມຮັບຟັງ ຢ່າງພ້ອມພຽງ.
ໃນກອງປະຊຸມເຊື່ອມຊິມ ຄັ້ງນີ້, ທ່ານ ຫົວຫນ້າພະແນກໂຍທາທິການ ແລະ ຂົນສົ່ງ ນະຄອນ ຫລວງວຽງຈັນ ໄດ້ຍົກໃຫ້ເຫັນຜົນສຳເລັດໃນການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ່ IX ຂອງພັກ ໃນໄລຍະ 5 ປີຜ່ານມາ ວ່າ: ຜົນສຳເລັດອັນສຳຄັນ ແລະ ເປັນພື້ນຖານກ່ວາໝູ່ແມ່ນ ຄວາມເປັນເອກະລາດ, ອຳນາດອະທິປະໄຕ, ຜືນແຜ່ນດິນອັນຄົບຖ້ວນ ຂອງປະເທດຊາດ ໄດ້ຮັບການປົກປັກຮັກສາໄວ້ ຢ່າງໝັ່ນຄົງ ໄດ້ມີລະບອບປະຊາທິປະໄຕ, ປະຊາຊົນມີສະຖຽນ, ລະພາບໜັກແໜ້ນ, ສັງຄົມມີຄວາມສະຫງົບປອດໄພ ພ້ອມທັງມີຄວາມເປັນລະບຽບຮຽບຮ້ອຍ ບົນພື້ນຖານ, ເສດຖະກິດໄດ້ມີການຂະຫຍາຍຕົວຕໍ່ເນື່ອງ ແລະ ຖືກຕາມທິດ, ທ່າມກາງ ເສດຖະກິດຂອງໂລກ ມີການຂະຫຍາຍເຕີບໂຕ ບັນລຸຕາມຄາດໝາຍ ທີ່ວາງໄວ້ ສະມາດສະເລ່ຍໄດ້ໃນ 5 ປີ ຜ່ານມາ ໄດ້ 7,9% ຂອງຜະລິດຕະພັນ ພາຍໃນສົກປີ 2014–2015 ຄິດເປັນເງິນປະມານ 102.320 ຕື້ກີບ ເປັນເງິນໂດລາ ໄດ້ 1,28 ຕື້ໂດລາ ສະເລ່ຍໃສ່ ຄົນໜຶ່ງແມ່ນໄດ້ 15,8 ລ້ານກີບ, ເວົ້າເຖິງຂົງເຂດວັດທະນະທຳ-ສັງຄົມ ໄດ້ຮັບການຂະຫຍາຍຕົວທາງດ້ານປະລິມານ ແລະ ຄຸນນະພາບ ໃນການຫັນປ່ຽນໄປຕາມເປົ້າໝາຍ ຂອງສະຫັດ ສະຫວັດ ທາງດ້ານການພັດທະນາ ລະບອບປະຊາທິປະໄຕ ໄດ້ຮັບການປັບປຸງບູລະນະ ໃຫ້ມີຄວາມໜັກແໜ້ນ, ເຂັ້ມແຂງຊີ້ນຳເຄື່ອນໄຫວວຽກງານການຕ່າງປະເທດຢ່າງຕັ້ງໜ້າ ໃນການປົກປັກຮັກສາພັດທະນາປະເທດຊາດ ພ້ອມທັງແກ້ໄຂຂໍ້ຄົງຄ້າງເຊັ່ນ: ຄວາມຮັບຮູ້ ຕໍ່ແນວທາງປ່ຽນໃໝ່ຂອງພັກ ການເຕີບໃຫຍ່ຂອງເສດຖະກິດຍັງບໍ່ໜັກແໜ້ນເທົ່າທີ່ຄວນ, ການພັດ ທະນາ ຊັບພະຍາກອນມະນຸດ, ການຄຸ້ມຄອງສຶກສາອົບຮົມ ແລະ ແນວທາງປ້ອງກັນ ຊາດປ້ອງກັນຄວາມສະຫງົບ ໄດ້ມີການແກ້ໄຂໄດ້ຮັບຜົນສຳເລັດຢ່າງຕໍ່ເນື່ອງ, ພ້ອມທັງຜ່ານເອກະສານພັກ ໂດຍກຳນຳວິໄສທັດການພັດທະນາ ແຕ່ນີ້ຮອດປີ 2030.
