"ເຕືອນໄພ!! ລະດັບນໍ້າຂອງເພີ່ມສູງຂຶ້ນ ຂໍໃຫ້ພໍ່ແມ່ປະຊາຊົນຕິດຕາມເຝົ້າລະວັງ" 

ເນື່ອງຈາກ 2-3 ວັນທີ່ຜ່ານມາ ມີຝົນຕົກຢ່າງຕໍໍ່ເນື່ອງ ເຮັດໃຫ້ສາຂານ້ຳແຫ່ງຕ່າງໆ ເພີ່ມລະດັບຂື້ນ ລວມທັງສາຂາຍ່ອຍແມ່ນ້ຳຂອງ ສົ່ງຜົນໃຫ້ປະລິມານນໍ້າຂອງເພີ່ມຂຶ້ນເລື້ອຍໆ ແລະ ໃນປະຈຸບັນ ລະດັບນ້ຳຂອງ ແມ່ນໄດ້ເພີ່ມຂື້ນຢ່າງຕໍ່ເນື່ອງ ຜ່ານການລົງເກັບກຳຂອງທີມງານ ເຫັນວ່າປະລິມານນ້ຳຂອງຂື້ນສູງ ໃນທຸກຈຸດແຄມຕະຝັ່ງ ພ້ອມກັນນັ້ນ ຍັງເຮັດໃຫ້ມີການຍູ້ຫນູນແມ່ນ້ຳສາຂາຍ່ອຍຕ່າງໆ ສູງຂື້ນເຊັ່ນດຽວກັນ.

ປະຊາຊົນທີ່ອາໄສໃນເຂດແຄມຝັ່ງແມ່ນນ້ຳ ແຫ່ງຕ່າງໆ ຫລື ລຽບຕາມຝັ່ງແມ່ນ້ຳຂອງ ຈົ່ງມີຄວາມລະມັດລະວັງ, ຕິດຕາມສະພາບການຂື້ນລົງຂອງນໍ້າ ແລະ ສະພາບດິນຟ້າອາກາດຈາກກົມອຸຕະນິຍົມ ແລະ ອຸທົກກະສາດ ຕໍ່ເນື່ອງລຽນຕິດ. ເພື່ອກຽມພ້ອມ ແລະ ຮັບມືກັບສິ່ງທີ່ຈະເກີດຂື້ນ ໂດຍສະເພາະດ້ານອຸທົບກະໄພ, ດິນເຈື່ອນ, ນ້ຳຊຸ ແລະ ອື່ນໆ. ທັງນີ້ເພື່ອປົກປ້ອງຊີວິດ ແລະ ຊັບສິນຂອງປະຊາຊົນ. ລວມທັງສັດລ້ຽງປະເພດຕ່າງໆ.