ບຸນຫໍ່ເຂົ້າສະລາກ ເປັນບຸນປະເພນີພຸດທະສາສນາ ຂອງລາວ, ຈຶ່ງຮຽກວ່າ ບຸນປະເພນີທານຫໍ່ເຂົ້າສລາກ, ປະກົດຢູ່ໃນຮິດ 12 ເດືອນ, ຄື ຮີດ 12 ເປັນພື້ນຖານວັດທະນະທໍາລາວທັງມວນ.
ການທຳບຸນ ຫຼື ການເຮັດບຸນຫໍ່ເຂົ້າສລາກ ຕາມປະເພນີນິຍົມແມ່ນເຮັດ ໃນວັນຂຶ້ນ 15 ຄ່ຳ ເດືອນ 10 (ເດືອນສິບເພັງ) ເປັນປະຈຳ ທຸກໆປີ. ສຳລັບ ບຸນຫໍ່ເຂົ້າສລາກ ນັ້ນ ເບິ່ງຮູບການ ເໝືອນວ່າເປັນບຸຄຄະລິກຂະທານ ເພາະ ກວຍ ຫຼື ຫໍ່ເຄື່ອງທານນັ້ນ ຈະຕ້ອງມອບໃຫ້ພຣະສົງແຕ່ລະອົງ ແຕ່ວ່າວິທີທຳ ເປັນສັງຄະທານ ເພາະຍາດໂຍມ ໄດ້ນຳເອົາເຄື່ອງທານນັ້ນມາແລ້ວ ເອົາຊື່ນັ້ນ ຂຽນລົງເຈັ້ຍແລ້ວນຳໄປເຄນໃຫ້ ປະທານສົງ ຫຼື ພຣະພິກຂຸອົງໃດ-ອົງໜຶ່ງ
ບຸນຫໍ່ເຂົ້າສະລາກ ປະຊາຊົນລາວເຮົາມັກເວົ້າວ່າ “ບຸນເຂົ້າສາກ” ເຊິ່ງໝາຍເຖິງເຂົ້າສະລາກນັ້ນເອງ, ເປັນຫຍັງຈຶ່ງວ່າເຂົ້າສາກ, ຄວາມຈິງຄົນລາວເຮົາໃນອະດີດມັກຂຽນອັກສອນຄວບວ່າ “ ສະລາກ ຫຼື ສຼາກ” ໃນການທຳບຸນເຂົ້ສາກນີ້ ປະຊາຊົນຄົນລາວທົ່ວປະເທດ ນັບຖື ແລະ ເອົາໃຈໃສ່ຫຼາຍທີ່ສຸດ ເໝືອນເຂົ້າປະດັບດິນ
ເມື່ອພຣະສົງຈັບສະລາກແລ້ວ ທາຍົກ ຈະອ່ານຊື່ເຈົ້າພາບ ໄປຖວາຍພາເຂົ້າ, ຫໍ່ເຂົ້າສະລາກ ຕົກຖືກພຣະ-ເນນອົງໃດ ເຈົ້າພາບກໍ່ນຳເອົາພາເຂົ້າ ຫຼື ຫໍ່ເຂົ້າສະລາກ ຂອງຕົນໄປປະເຄນແກ່ພຣະພິກຂຸ-ສາມະເນນອົງນັ້ນ.
ເມື່ອຈົກສະລາກແລ້ວແລ້ວ ປະທານຄະນະສົງ ອັນມີເຈົ້າອະທິການວັດ ໄດ້ເທດສະໜາ ສະຫລອງເຂົ້າສລາກ ຈົບແລ້ວ, ກໍຈະສູດຄາຖາສະລາກ ໃຫ້ພອນຍະຖາ ແລ້ວກໍສູດຕັກບາດສືບຕໍ່ໄປ ເປັນອັນເສັດພິທີທຳບຸນເຂົ້າສລາກ ຂອງປີນັ້ນ.
