ໃນວັນທີ 18 ກໍລະກົດ 2017. ທ່ານ ພູວົງ ວົງຄໍາຊາວ ຫົວຫນ້າຫ້ອງວ່າການ ປົກຄອງນະຄອນຫຼວງວຽງຈັນ ພ້ອມດ້ວຍ ທ່ານ ພັນໂທ ຈັນຫອມ ແກ້ວສູລະໄຊ ຫົວຫນ້າຫ້ອງການ ຕໍາຫຼວດ ປ້ອງກັນຄວາມສະຫງົບ ນະຄອນຫຼວງວຽງຈັນ ໄດ້ອອກມາເວົ້າເຖິງເຫດການໄຟໃໝ້ ສູນການຄ້າສາກົນຊັ່ງຈ່ຽງ ໃນທາຍອາທິດຜ່ານມາ ກໍຄື ວັນທີ 14 ກໍລະກົດ 2017 ໃນເວລາ 17:30, ໃນເບື້ອງຕົ້ນແມ່ນຍັງຫາສາເຫດທີ່ແທ້ຈິງຂອງການເກີດອັກຄີໄພ ຄັ້ງນີ້ບໍ່ທັນໄດ້ ແລະ ຍັງບໍ່ສາມາດປະເມີນຕົວເລກຜົນເສຍຫາຍຈາກເຫດການດັ່ງກ່າວໄດ້ ເຊຶ່ງປະຈຸບັນຍັງຢູ່ໃນຂະບວນການກວດສອບ ແລະ ປະເມີນຄວາມເສຍຫາຍຢູ່, ຄາດວ່າຈະສາມາດສະຫລຸບ ປະເມີນຜົນເສຍຫາຍໄດ້ ໃນໄວໆນີ້.
