ຕາມການລາຍງານ ບົດສະຫລຸບ ໃນເດືອນສິງຫາ 2017 ທົ່ວນະຄອນຫລວງວຽງຈັນ ມີອຸປະຕິເຫດເກີດຂື້ນຢູ່ຕາມເສັ້ນທາງຕ່າງໆ ທັງໝົດ 83 ກໍລະນີ, ເຮັດໃຫ້ມີຜູ້ເສຍຊີວິດ 12 ຄົນ, ຍິງ 2 ຄົນ. ເມື່ອທຽບໃສ່ເດືອນກໍລະກົດ ອຸປະຕິເຫດແມ່ນຫລຸດລົງ 31 ກໍລະນີ, ແລະ ຜູ້ເສຍຊີວິດ ກໍ່ຫລຸດລົງ 2 ຄົນ. ສົມທຽບລະຫວ່າງເມືອງຕ່າງໆ ເມືອງໄຊເສດຖາ ຍັງເປັນເມືອງທີ່ເກີດອຸປະຕິເຫດຫລາຍກວ່າຫມູ່ ມີ ຈຳນວນ 19 ກໍລະນີ, ລວມມູນຄ່າເສຍຫາຍ 900 ລ້ານກີບ.
ກໍລະນີ ນີ້ ເຈົ້າຫນ້າທີ່ຕຳຫລວດຈາລະຈອນ ນະຄອນຫລວງວຽງຈັນ, ແຈ້ງໃຫ້ຊາບວ່າ: ອຸປະຕິເຫດທີ່ເກີດຂື້ນໃນແຕ່ລະຄັ້ງເຮັດໃຫ້ຜູ້ບາດເຈັບເລັກນ້ອຍ 39 ຄົນ, ສົມຄວນ 98 ຄົນ, ສາຫັດ 26 ຄົນ. ຜົນເສຍຫາຍທາງດ້ານພາຫານະ ເປ່ເພເລັກນ້ອຍ 73 ຄັນ, ສົມຄວນ 91 ຄັນ ແລະ ໃຊ້ການບໍ່ໄດ້ 2 ຄັນ.
ສໍາລັບຄົນຂັບໄດ້ຮັບບາດເຈັບເລກນ້ອຍ 31 ຄົນ, ສົມຄວນ 83 ຄົນ. ສາຫັດ 21 ຄົນ, ເສຍຊີວິດ 9 ຄົນ, ສວ່ນຜູ້ຊ້ອນທ້າຍໄດ້ຮັບບາດເຈັບເລັກນ້ອຍ 8 ຄົນ, ສົມຄວນ 15 ຄົນ, ສາຫັດ 5 ຄົນ ແລະ ເສຍຊີວິດ 2 ຄົນ. ນອກຈາກນີ້ ຍັງມີລົດຕຳຄົນຍ່າງ ເສຍຊີວິດ 1 ຄົນ. ລວມຜູ້ເສຍຊີວິດ ຈາກອຸປະຕິເຫດ ສະເພາະເດືອນສິງຫາ ທັງໝົດ 12 ຄົນ.
Editor: ກຳປານາດ ລັດຖະເຮົ້າ
