ແຂວງ ສາລະວັນ ເປີດລະດູການຜະລິດລະດູແລ້ງ ປີ 2018 ແລະ ການສັກຢາກັນພະຍາດສັດແຫ່ງຊາດ 11 ພະຈິກ ແລະ ວັນຊົນລະປະທານແຫ່ງຊາດ 3 ພະຈິກ. ດັ່ງນັ້ນໃນເມື່ອບໍ່ດົນນີ້ ຢູ່ທີ່ໂຄງການຈັກສູບນ້ຳ ບ້ານວາປີ ເໜືອ, ເມືອງວາປີ, ແຂວງ ສາລະວັນ ເປີດການຜະລິດລະດຸແລງຂື້ນ ໂດຍມີ ທ່ານ ອານຸສັກ ຈຳປາຄຳ ຫົວໜ້າພະແນກກະສີກຳ-ປ່າໄມ້ແຂວງ, ໃຫ້ກຽດເຂົ້າຮ່ວມຂອງທ່ານ ສີສຸວັນ ວົງຈອມສີ ເຈົ້າແຂວງໆ ສາລະວັນ, ມີຮອງກົມຊົນລະປະທານ ກະຊວງກະສິກຳ-ປ່າໄມ້, ເຈົ້າເມືອງ, ຮອງເຈົ້າເມືອງ ແລະ ຫ້ອງການກະສີກຳ ແລະ ປ່າໄມ້ຕົວເມືອງ,ພະແນກທີ່ກ່ຽວຂ້ອງ ພ້ອມດ້ວຍພໍ່ແມ່ປະຊາຊົນ ເຂົ້າຮ່ວມ.
ຈຸດປະສົງ ເພື່ອໃຫ້ຜູ້ເຂົ້າຮ່ວມ ແລະ ເຂົ້າໃຈຕໍ່ວັນຊົນລະປະທານແຫ່ງຊາດ ວັນທີ 3 ພະຈິກ ແມ່ນເປັນວັນເລີ່ມຕົ້ນຊົນລະປະທານແຫ່ງຊາດທຳອິດ ປີ 1976 ເປັນມື້ລົງມືໃສ່ການຜະລິດລະດູແລ້ງ. ວັນທີ 11 ພະຈິກ ແມ່ນວັນສັກຢາກັນພະຍາດສັດແຫ່ງຊາດ ເຊິ່ງມີຄວາມໝາຍຄວາມສຳຄັນ ເພື່ອປູກຈິດສຳນຶກແກ່ປວງຊົນ ແນໃສ່ປະກອບສ່ວນເຮັດໃຫ້ສັດຂອງປະຊາຊົນມີສຸຂະພາບແຂງແຮງ, ມີທ່າຂະຫຍາຍຕົວຢ່າງຕໍ່ເນື່ອງ ປະສະຈາກໂລກລະບາດ ສ້າງເປັນເຂດປອດພະຍາດສັດເທື່ອລະກ້າວ.

Editor: ດາວໄຊ ສີວິໄລ