ໃນຕອນບ່າຍ (ຊ່ວງເວລາປະມານ 15:00 ຂອງວັນທີ 03/12/2017) ໄດ້ມີການເຜີຍແຜ່ພາບຈຳນວນຫຼາຍຕໍ່ກັບເຫດການໄຟໄໝ້ຕຶກ World Trade Center ທີ່ກຳລັງກໍ່ສ້າງ ເຊິ່ງຕັ້ງຢູ່ຖະໝົນຄູວຽງ ຂ້າງສູນການວຽງຈັນເຊັນເຕີ, ນະຄອນຫຼວງວຽງຈັນ, ສ່ວນສາເຫດຍັງບໍ່ມີການລາຍງານທີ່ຊັດເຈນວ່າເກີດຈາກຫຍັງ ແລະ ປັດຈຸບັນຍັງຢູ່ໃນຂັ້ນຕອນການກວດສອບຫາສາເຫດ ແລະ ປະເມີນຜົນເສຍຫາຍ ຂອງເຈົ້າໜ້າທີ່ ແລະ ເຈົ້າຂອງໂຄງການ.
ຕຶກ World Trade Center ເປັນໜຶ່ງໃນໂຄງການທີ່ສຳປະທານໂດຍນາຍທຶນຈີນ ເພື່ອກໍ່ສ້າງເປັນສູນການຄ້າຂະໜາດໃຫຍ່ໃຈກາງນະຄອນຫຼວງວຽງຈັນ ທີ່ຈະເປັນບ່ອນຮອງຮັບກິດຈະກຳທາງເສດຖະກິດຕ່າງໆເຊັ່ນ: ສູນການຄ້າ, ສະຖາບັນການເງິນ, ໂຮງແຮມ ແລະ ອື່ນໆ ປັດຈຸກໍາລັງຢູ່ໃນຂັ້ນຕອນການກໍ່ສ້າງ ແລະ ໃນວັນທີ 3 ທັນວາຜ່ານມາ ກໍ່ໄດ້ເກີດເຫດໄຟໃໝ້ ໂດຍທີ່ຍັງບໍ່ທັນຮູ້ສາເຫດ ຫຼື ລາຍງານຈໍານວນຜູ້ບາດເຈັບຈາກເຫດການດັ່ງກ່າວ.
Editor: ກຳປານາດ ລັດຖະເຮົ້າ
