ອີງຕາມບົດສະຫຼຸບສັງລວມຜົນເສຍຫາຍເບື້ອງຕົ້ນ ຈາກໄພພິບັດນ້ຳຖ້ວມທົ່ວນະຄອນຫຼວງວຽງຈັນ (ນວ) ວັນທີ 19/8-10/9/2018 ຂອງພະແນກແຮງງານ ແລະ ສະຫວັດດີການສັງຄົມ ນະຄອນຫລວງວຽງຈັນ ໃຫ້ຮູ້ເມື່ອບໍ່ດົນມານີ້ວ່າ: ທົ່ວ ນະຄອນຫລວງວຽງຈັນ ມີປະຊາຊົນໄດ້ຮັບຜົນກະທົບຈາກໄພນ້ຳຖ້ວມ 5 ເມືອງ ມີ 124 ບ້ານ 6.000 ກວ່າຄົນ ໃນນີ້
ເມືອງສີໂຄດຕະບອງ 4 ບ້ານ 512 ຄອບຄົວ 2.518 ຄົນ ປະຊາຊົນຖືກຍົກຍ້າຍ 356 ຄອບຄົວ 1.772 ຄົນ, ໃນນີ້ ຍົກຍ້າຍໄປຢູ່ໂຮງຮຽນ 419 ຄົນ, ຢູ່ນຳພີ່ນ້ອງ 220 ຄອບຄົວ 1.353 ຄົນ, ນໍ້າບາດານເສຍຫາຍ 2 ບໍ່ ນໍ້າສ້າງ 57 ບໍ່, ວິດຖ່າຍ 375 ແຫ່ງ ໜອງປາ 25,2 ເຮັກຕາ, ນາເຂົ້າ 84,9 ເຮັກຕາ ພືດຜັກ 150,2 ເຮັກຕາ, ລວມເນື້ອທີ່ເສຍຫາຍ 260,3 ເຮັກຕາ.
ເມືອງປາກງື່ມ 16 ບ້ານ ໃນນີ້ ບ້ານທີ່ຖືກຕັດຂາດ 4 ບ້ານ 364 ຄອບຄົວ 3.954 ຄົນ ປະຊາຊົນຖືກຍົກຍ້າຍ 139 ຄອບຄົວ 468 ຄົນ ຍົກຍ້າຍໄປຢູ່ໂຮງຮຽນ 468 ຄົນ ເສັ້ນທາງເປ່ເພ 5 ເສັ້ນ, ລວມເນື້ອທີ່ເສຍຫາຍ 7.602 ເຮັກຕາ
ເມືອງນາຊາຍທອງ 13 ບ້ານ, ໃນນີ້ ບ້ານທີ່ຖືກຕັດຂາດ 1 ບ້ານ 478 ຄອບຄົວ 2.049 ຄົນ ປະຊາຊົນຖືກຍົກຍ້າຍ 167 ຄອບຄົວ 716 ຄົນ, ໃນນີ້ ຍົກຍ້າຍໄປຢູ່ໂຮງຮຽນ 15 ຄອບຄົວ 111 ຄົນ, ຢູ່ນຳພີ່ນ້ອງ 152 ຄອບຄົວ 605 ຄົນ, ລວມເນື້ອທີ່ເສຍຫາຍ 2.592,5 ເຮັກຕາ.
ເມືອງໄຊທານີ 60 ບ້ານ, ໃນນີ້ ບ້ານທີ່ຖືກຕັດຂາດ 15 ບ້ານ, 3.857 ຄອບຄົວ 18.225 ຄົນ ປະຊາຊົນຖືກຍົກຍ້າຍ 1.298 ຄອບຄົວ, 6.501 ຄົນ, ໃນນີ້ ຍົກຍ້າຍໄປຢູ່ໂຮງຮຽນ 865 ຄອບຄົວ 3.781 ຄົນ ຢູ່ນຳພີ່ນ້ອງ 433 ຄອບຄົວ 2.720 ຄົນ, ເສັ້ນທາງເປ່ເພ 17 ເສັ້ນ ລວມເນື້ອທີ່ເສຍຫາຍ 4.159 ເຮັກຕາ
ເມືອງຫາດຊາຍຟອງ 19 ບ້ານ 374 ຄອບຄົວ 1.231 ຄົນ, ຍິງ 625 ຄົນ, ໂຮງຮຽນທີ່ຖືກນ້ຳຖ້ວມ 8 ແຫ່ງ ເສັ້ນທາງເປ່ເພ 4 ເສັ້ນ, ລວມເນື້ອທີ່ເສຍຫາຍ 1.480,5 ເຮັກຕາ ເມືອງສັງທອງ 12 ບ້ານ 20 ຄອບຄົວ 80 ຄົນ, ຖືກຍົກຍ້າຍໄປຢູ່ນຳພີ່ນ້ອງ 20 ຄອບຄົວ 80 ຄົນ, ລວມທັງໝົດ 193,6 ເຮັກຕາ
Editor: ກຳປານາດ ລັດຖະເຮົ້າ
