ວັນທີ 6 ກັນຍາ , ທ່ານ ບຸນປອນ ອາສາພິພັກ ເຈົ້າເມືອງຄົງເຊໂດນ ແຈ້ງໃຫ້ຊາບວ່າ: ປັດຈຸບັນນີ້ ບັນດາຜູ້ປະສົບໄພພິບັດນ້ຳຖ້ວມ ໃນເມືອງຄົງເຊໂດນ ແຂວງສາລະວັນ, ທີ່ອາໃສຢູ່ຈຸດພັກເຊົາສຸກເສີນຕ່າງໆຫລາຍພັນຄົນ, ຍັງມີຄວາມຕ້ອງການເຂົ້າສານອາຫານແຫ້ງ, ນ້ຳກິນ, ຢາປົວພະຍາດ, ຫ້ອງນ້ຳ ແລະ ເຄື່ອງນຸ່ງຫົ່ມ ຢ່າງຮີບດ່ວນ, ເນື່ອງຈາກວ່າ ບັນດາຜູ້ປະສົບໄພສ່ວນຫລາຍແມ່ນໄດ້ແຕ່ເຄື່ອງຄາຄີງຕິດໂຕມາ, ບາງຄົນບໍ່ມີເງິນ ແມ່ນແຕ່ກີບດຽວ, ບາງຄົນບໍ່ມີຮອດເກີບໃສ່ ເພາະນັ້ນ ຈຶ່ງເປັນສິ່ງທີ່ຫຍຸ້ງຍາກທີ່ສຸດໃນການດຳລົງຊີວິດປະຈຳວັນຂອງເຂົາເຈົ້າ.
ການຊ່ວຍເຫລືອຈາກອຳນາດການປົກຄອງເມືອງ, ແຂວງ ແລະ ສູນກາງ ໃນເບື້ອງຕົ້ນ ໄດ້ມາຮອດມາເຖິິງຢ່າງວ່ອງໄວ ແຕ່ກໍຍັງບໍ່ພຽງພໍຕໍ່ກັບຄວາມຕ້ອງການ ເນື່ອງຈາກວ່າຫລາຍພັນຄົນມາໂຮມຢູ່ຈຸດດຽວ.
