ໂຄງການຄວັດແກະສະລັກ ພຣະພຸດທະຮູບ ປະຈຳວັນເກີດ ແຄມທາງ 1E ຈະກາຍເປັນອີກໜື່ງແຫຼ່ງທ່ອງທ່ຽວໃໝ່ທີ່ຫນ້າສົນໃຈ ທາງດ້ານວັດທະນະທຳ, ກາບໄຫວບູຊາ ເມື່ອເດີນທາງໄປ-ມາ ຕາມເສັ້ນທາງ 1E ( ເມືອງຄໍາເກີດ-ເມືອງນາກາຍ) ແນວຄິດສ້າງສັນຂອງຜູ້ບໍລິຫານໂຄງການ ກໍ່ສ້າງເສັ້ນທາງປູຢາງ 1E (ຄໍາເກີດ-ນາກາຍ) ທີ່ພວມດຳເນີນການເຈາະຫິນ ສ້າງພຣະພຸດທະຮູບປະຈຳວັນເກີດ ເພື່ອໃຫ້ເປັນມໍລະດົກແກ່ປະເທດຊາດ ແລະ ຈາລຶກໄວ້ເປັນຜົນງານແກ່ແຜ່ນດິນ-ການຄວັດແກະສະລັກ ພຣະພຸດທະຮູບໃນໂຂດຫີນແຄ້ມທາງດັ່ງກ່າວ, ແມ່ນຢູ່ເຂດບ້ານປາກກະຕານ, ເມືອງຄຳເກີດ ແຂວງບໍລິຄຳໄຊ
ໂຄງການກໍ່ສ້າງເສັ້ນທາງ 1E ຈາກຫຼັກຊາວ, ເມືອງຄຳເກີດ ແຂວງບໍລິຄຳໄຊ ຫາ ເມືອງນາກາຍ, ແຂວງຄຳມ່ວນ ໂດຍຮັບເຫມົາຂອງ ບໍລິສັດ ພັດທະນາຊົນນະບົດໄດ້ດຳເນີນໄປດ້ວຍຄວາມຫ້າວຫັນ ຄືບໜ້າຢ່າງໄວ. ປະຊາຊົນຕ່າງສະແດງຄວາມຊົມເຊີຍເປັນຢ່າງສູງ. ພິເສດໂຄງການດັ່ງກ່າວ ໄດ້ຜ່ານພາກສ່ວນວັດທະນະທຳ ໃນການຂໍອະນຸຍາດ ດຳເນີນໂຄງການຄວັດຫິນຂ້າງເສັ້ນທາງດັ່ງກ່າວ ທີ່ຢູ່ໃນເຂດບ້ານປາກກະຕານ (ຫ່າງຈາກຫຼັກຊາວປະມານ 30 ກິໂລແມັດ) ໃຫ້ກາຍເປັນພະປະຈຳວັນເກີດໃນແຕ່ລະວັນ(ຈັນ-ທິດ) ແລະ ພຣະປະທານ ອີກ 1 ອົງ, ລວມທັງໝົດມີ 8 ອົງ; ຈຸດປະສົງ ໃນການສ້າງ ພຣະພຸດທະຮູບ ປະຈຳວັນເກີດ ປະດິດສະຖານໄວ້ຂ້າງທາງ ເພື່ອໃຫ້ເປັນຂອງຂວັນຈາກໂຄງການ ໃນການມອບໄວ້ໃຫ້ແກ່ປະເທດຊາດ; ສ້າງຈຸດດັ່ງກ່າວໃຫ້ເປັນອີກຫນຶ່ງແຫລ່ງທ່ອງທ່ຽວໃຫມ່ ທາງວັດທະນະທຳ ແລະ ຍັງເຮັດໃຫ້ເປັນບ່ອນພັກແວ່ຂາບໄຫວ້ສັກກາລະບູຊາ ເພື່ອຄວາມເປັນສິລິມຸງຄຸນ ແກ່ນັກທ່ອງທ່ຽວທີ່ເດີນທາງຜ່ານເສັ້ນທາງ 1E ດັ່ງກ່າວ. ສຳລັບຄຸນລັກສະນະຂອງຫີນ ບ່ອນດັ່ງກ່າວນັ້ນ ແມ່ນຄ້າຍຄືກັນກັບຫິນທີ່ສ້າງ
