ໃນວັນທີ 5 ມິຖຸນາ ທີ່ຜ່ານມາ ພະແນກຊັບພະຍາກອນທຳມະຊາດ ແລະ ສິ່ງແວດ ລ້ອມແຂວງໄຊສົມບູນ ໄດ້ສ້າງຂະບວນການອອກແຮງງານ ຂໍ່ານັບຮັບຕ້ອນ ວັນສິ່ງແວດ ລ້ອມໂລກ ໂດຍມີພະນັກງານວິຊາການຂອງບັນດາພະແນກການອ້ອມຂ້າງແຂວງ ເຂົ້າຮ່ວມຢ່າງພ້ອມພຽງ. ການອອກແຮງງານແມ່ນເກັບຂີ້ເຫຍື້ອຕາມເສັ້ນທາງພາຍໃນເທດສະບານເມືອງອະນຸວົງ ໂດຍແບ່ງອອກເປັນ 3 ກຸ່ມໃຫຍ່ ຄື: ກຸ່ມເສດຖະກິດ ເລີ່ມແຕ່ວົງວຽນ ຜ່ານໂຮງຮຽນມັດທະ ຍົມຕອນປາຍ ໄຊສົມບູນ ຫາ 3 ແຍກ ບ້ານຜາສະຫງົບ ໂດຍມອບໃຫ້ ທ່ານ ບົ່ຣງເຮີ່, ຫົວໜ້າຫ້ອງການ ຊັບພະຍາກອນ ແລະ ສິ່ງແວດລ້ອມ ເມືອງອະນຸວົງ ນຳພາ, ກຸ່ມວັດທະນະ ທຳ-ສັງຄົມ ເລີ່ມແຕ່ ວົງວຽນ ຕາມເສັ້ນທາງລຽບ ກ້ອງກອງພັນໃຫຍ່ ຈໍ 101, ໂດຍມີທ່ານ ພົງສະຫວັດຫວ່າງລາວຊົວວື່, ຫົວໜ້າຂະແໜງສິ່ງແວດລ້ອມ ແຂວງນຳພາ ແລະ ກຸ່ມການເມືອງ ເລີ່ມແຕ່ວົງວຽນລຽບຕາມເສັ້ນທາງໂຮງແຮມພູເບ້ຍ ຜ່ານພະແນກສຶກສາທິການ ແລະ ກິລາ ແຂວງ ສີິ້ນສຸດ ທີ່ 3 ແຍກ ບ້ານຜາສະຫງົບ ນຳພາໂດຍ ທ່ານ ສົດລໍ່ ຢົ້ວວ່າ, ຫົວໜ້າຂະແໜງຈັດຕັ້ງ ແລະ ກວດກາ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງນຳພາ ເພື່ອເປັນການສ້າງຂະບວນການຂໍ່ານັບຮັບຕ້ອນວັນສິ່ງແວດໂລກ ຄົບຮອບ 45 ປີ ທີ່ຈະມາເຖິງນີ້ໃຫ້ມີບັນຍາກາດຟົດຟື້ນ, ບ້ານເມືອງມີຄວາມສະອາດ ແລະ ງາມຕາ.
Editor: ຕະວັນ ແສງສະຫວັນ
