ຕາມຂໍ້ມູນຈາກ ກະຊວງຊັບພະຍາກອນທຳມະຊາດ ແລະ ສິ່ງແຜ່ນລ້ອມ ໃຫ້ຮູ້ວ່າ: ຢູ່ໃນປະເທດເຮົາ ມີສັດນ້ຳ-ສັດປ່າ ປະມານ 157 ຊະນິດ ກໍາລັງມີຄວາມສຽ່ງ ທີ່ໃກ້ຈະສູນພັນ ແລະ 115 ຊະນິດ ກໍາລັງຖືກຂົ່ມຂູ່ ສາເຫດເນື່ອງຈາກການນຳໃຊ້ຊັບພະຍາກອນມະຊາດ ແບບຟຸມເຟືອຍ, ການຕັດໄມ້ທຳລາຍປ່າ ລວມເຖິ່ງການຄຸ້ມຄອງໂຄງການລົງທືນ ຍັງບໍ່ໄດ້ດີເທົ່າທີ່ຄວນ ທີ່ເຮັດໃຫ້ເກີດຜົນກະທົບ ຕໍ່ສະພາບແວດລ້ອມ ແລະ ສັງຄົມ, ປ່າໄມ້, ແຫຼ່ງນ້ຳ, ນອກນີ້ ຍັງມີປະກົດການຄ້າຂາຍ ສັດນ້ຳ-ສັດປ່າ ແບບຊະຊາຍ ແລະ ຜິດກົດໜາຍ. ອີກບັນຫາໜື່ງ ທີ່ສົ່ງຜົນກາທົບຕໍ່ສິ່ງແວດລ້ອມ ແລະ ສັດນ້ຳ-ສັດປ່າ ຍ້ອນການປ່ອຍ ສິ່ງເສດເຫຼືອຈາກໂຮງງານອຸດສາຫະກຳ, ຈາກຄົວເຮືອນ ນັບມື້ນັບເພີ່ມຂື້ນ, ມີການນ້ຳໃຊ້ສານເຄມີເຂົ້າໃນການຜະລິດກາສິກຳ, ແລະ ອື່ນໆ. ນອກຈາກຈະສົ່ງຜົນກາທົບ ຕໍ່ສັດນ້ຳ ແລະ ສັດປ່າແລ້ວ ກໍ່ຍັງເປັນສາເຫດຂອງພາວະໂລກຮ້ອນ, ການຂາດແຄນສະບຽງອາຫານ, ສະພາບແວດລ້ອມ ເປັນພິດ ແລະ ສົ່ງຜົນກາທົບ ຕໍ່ສຸຂະພາບ ຂອງມະນຸດ. ສະພາບແວດລ້ອມຕໍ່ກັບບັນຫາດັ່ງກ່າວ ພັກ-ລັດ ຈຶ່ງເອົາໃຈໃສ ແລະ ຊຸກຍູ້ສົ່ງເສີມ ການປະຕິບັດນະໂຍບາຍການພັດກທະນາ ເສດຖະກິດ-ສັງຄົມ ແບບສີຂຽວ ແລະ ໄດ້ວາງເປົ້າໜາຍ ຍຸດທະສາດ ດ້ານປ່າໄມ້ ເພື່ອບັນລຸການປົກຫຸ້ມ ປ່າໄມ້ ໃຫ້ໄດ້ 70% ໃນປີ 2020.
Editor: ຕະວັນ ແສງສະຫວັນ
