ກົມສົ່ງເສີມການຄ້າລະຫວ່າງປະເທດ, ກະຊວງພານິດ ແຫ່ງປະເທດໄທ ຮ່ວມກັບ ກົມສົ່ງເສີມການຄ້າ, ກະຊວງອຸດສາຫະກຳ ແລະ ການຄ້າ ແຫ່ງ ສປປ ລາວ ໄດ້ຈັດງານວາງສະແດງສິນຄ້າ ສຸດຍອດກາໄທ ຫລື top thai brands ປະຈຳປີ 2017 ຂື້ນ ໃນລະຫວ່າງວັນທີ 7ຫາ11 ມິຖຸນາ 2017 ທີ່ສູນການຄ້າລາວໄອເຕັກ ຫລັງເກົ່າ, ນະຄອນຫລວງວຽງຈັນ. ເຂົ້າຮ່ວມໃນພິທີມີ ທ່ານ ພັນທອງ ພິດທຸມມາ, ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ, ມີທ່ານ ນົບພະດົນ ເທບພິທັກ, ເອກອັກຄະລາດຊະທູດໄທ ປະຈຳ ສປປ ລາວ, ທ່ານນາງ ຢານີ ສີມີໄຊ, ອັກຄະລາດສະທູດ ທີ່ປຶກສາຝ່າຍການຄ້າ, ສຳນັກງານສົ່ງເສີມການຄ້າຕ່າງປະເທດ, ສະຖານເອກະອັກຄະລາດສະທູດໄທ ປະຈຳ ສປປ ລາວ ພ້ອມນີ້ ຍັງມີເຈົ້າຫນ້າທີທັງສອງປະເທດ ແລະ ແຂກຖຶກເຊີນພາກສ່ວນທີ່ກຽ່ວຂ້ອງເຂົ້າຮ່ວມ. ຂະນະທີທ່ານນາງ ຢານີ ສີມີໄຊ, ອັກຄະລາດສະທູດ ທີ່ປຶກສາຝ່າຍການຄ້າ, ສຳນັກງານສົ່ງເສີມການຄ້າຕ່າງປະເທດ, ສະຖານເອກະອັກຄະລາດສະທູດໄທ ປະຈຳ ສປປ ລາວ ເຜີຍວ່າ: ການຈັດງານແມ່ນເພື່ອສົ່ງເສີມການຄ້າ ແລະ ການລົງທຶນຂອງສອງປະເທດ ເພີ່ມມູນຄ່າການຄ້າ ລະຫວ່າງ ສປປລາວ ແລະ ໄທ ເພື່ອໃຫ້ມີເຄື່ອງໝາຍການຄ້າທີ່ເປັນທີ່ນິຍົມ ແລະ ຍອມຮັບຂອງຜູ້ບໍລິໂພກ ແລະ ກະຕຸ້ນໃຫ້ນັກທຸລະກິດຮ່ວມມືເຊິ່ງກັນ ແລະ ກັນ ເພື່ອກ້າວໄປສູ່ຄວາມສຳເລັດໃນຕະຫຼາດສາກົນໄປພ້ອມໆກັນ. ທ່ານກ່າວຕື່ມວ່າ: ພາຍໃນງານ ຍັງມີກິດຈະກຳພິເສດ ເຊັ່ນ ຜົນງານໂຄງການສູນພັດທະນາ ແລະ ບໍລິການດ້ານການກະເສດຫ້ວຍຊອນຫ້ວຍຊົ້ວ ເຊິ່ງເປັນໂຄງການພະຣາດດຳຣິ ໃນ ສປປ ລາວ , ການວາງສະແດງ Thailand Trust Mask ການວາງສະແດງ Top Thai Brands ການສຳມະນາຈາກວິສາວະກອນຜູ້ຊົງຄຸນວຸດ ຈາກປະເທດໄທ, ນອກນີ້ ພາຍໃນງານຈະໄດ້ມີການສົນທະນາກັບຜູ້ປະກອບການ, ນັກທຸລະກິດລາວ - ໄທ , ດາລານັກສະແດງ ມາຮ່ວມງານ.
Editor: ຕະວັນ ແສງສະຫວັນ
