ໃນຕອນເຊົ້າຂອງວັນທີ 13 ມິຖຸນາ ຜ່ານມານີ້ ທ່ານ ວົງເດືອນ ຊ່ຽວຊານທີ່ປຶກສາໂຄງການ ຈາກແຜນງານ ສະໜັບສະໜູນ ການມີສ່ວນຮ່ວມ ແລະ ສື່ຊຸມຊົນ, ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ໄດ້ພົບປະ ແລະ ເຮັດວຽກ ຢູ່ສະຖານີວິທະຍຸຊຸມຊົນ ເພື່ອການພັດທະນາ ເມືອງ ລະຄອນເພັງ ແຂວງ ສາລະວັນ ໂດຍມີ ທ່ານ ບຸນຈັນ ບາງແສງທອງ, ກໍາມະການພັກເມືອງ ເລຂາໜ່ວຍພັກ ຫົວໜ້າຫ້ອງການ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ເມືອງ, ຄະນະອໍານວຍການ ສະຖານີວິທະຍຸຊຸມຊົນ ເພື່ອການພັດທະນາ ເມືອງ ລະຄອນເພັງ ພ້ອມດ້ວຍ ວິຊາການ ແລະ ອ້າຍນ້ອງອາສາສະໝັກວິທະຍຸເຂົ້າຮ່ວມ. ຈຸດປະສົງຂອງການລົງມາເຮັດວຽກຢູ່ເມືອງລະຄອນເພັງ, ແຂວງສາລະວັນໃນຄັ້ງນີ້ ແມ່ນເພື່ອປະເມີນການຈັດຕັ້ງການເຄື່ອນໄຫວຂອງ ສະຖານີວິທະຍຸຊຸມຊົນ ເພື່ອການພັດທະນາ ເມືອງ ລະຄອນເພັງ ແລະ ເພື່ອເກັບກຳເອົາຂໍ້ມູນ ເພື່ອວາງແຜນ ແລະ ຫາວິທີການສ້າງຄວາມເຂັ້ມແຂງ ແລະ ຍືນຍົງໃຫ້ສະຖານີໃນຕໍ່ໜ້າ.

Editor: ດາວໄຊ ສີວິໄລ