ຂຸນຕາປ້າຍ ເປັນບໍລິສັດທີ່ຮັບອອກແບບ ຜະລິດ ແລະ ຕິດຕັ້ງປ້າຍໂຄສະນາທຸກຊະນິດ ດ້ວຍປະສົບການ ແລະ ຄວາມຊຳນານສູງ ຫຼາຍກວ່າ 27 ປີ ຈົນ ໄດ້ຮັບຄວາມໄວ້ວາງໃຈຈາກລູກຄ້າ ດ້ວຍການບໍລິການທີ່ວ່ອງໄວທັນໃຈ ແລະ ມີຄຸນນະພາບ ມາດຕະຖານ ດ້ວຍທີມງານມືອາຊີບຫຼາຍກວ່າ 50 ຄົນ ພ້ອມທັງໃຫ້ຄໍາແນະນໍາເລື່ອງປ້າຍໂຄສະນາ ເພື່ອເປັນໄປຕາມຄວາມຕ້ອງການຂອງລູກຄ້າ. ທ່ານ ວົງນໍາ ວົງວິໄລ ປະທານບໍລິສັດ ຂຸນຕາປ້າຍ ຈໍາກັດ ເປີດເຜີຍວ່າ:  ຂຸນຕາປ້າຍ ສື່ໂຄສະນາປະຊາສໍາພັນທີ່ດໍາເນີນທຸລະກິດດ້ວຍການບໍລິການອອກແບບ ແລະ ໃຫ້ຄໍາປືກສາດ້ານໂຄງສ້າງ ແລະ ບົບຕົບແຕ່ງພາຍໃນຫ້ອງຂາຍ ຫ້າງຮ້ານ ລວມເຖິງການໂຄສະນາປະຊາສໍາພັນທີ່ຖືເປັນອັນດັບແຖວຫນ້າ 1 ໃນ ສປປ ລາວ ຈົນໄດ້ຮັບການຍອມຮັບການບໍລິຫານລະບົບມາດຕະຖານຄຸນນະພາບ ISO 9001 2008 ໃນເດືອນ ເມສາ 2017 ຜ່ານມານີ້. ຂຸນຕາປ້າຍ ໃຫ້ບໍລິການລູກຄ້າດ້ວຍລະບົບການຜະລິດ ແລະ ຕິດຕັ້ງປ້າຍໂຄສະນາຄົບວົງຈອນ ໂດຍບຸກຄະລາກອນຜູ້ທີ່ມີຄວາມຊ່ຽວຊານໃນການອອກແບບ ມີຊ່າງຊໍານິຊໍານານ ທີ່ຄອຍໃຫ້ຄຳປຶກສາ ດູແລການອອກແບບງານ, ຜະລິດດ້ວຍເຄື່ອງຈັກທີ່ໄວ ແລະ ທັນສະໄໝ ເທັກໂນໂລຢີຂັ້ນສູງ ຫຼາຍກວ່າ 30 ເຄື່່ອງ.  ຝ່າຍຄວບຄຸມການຕິດຕັ້ງ ຫຼັງຈາກທີ່ງານຜະລິດສຳເລັດຮຽບຮ້ອຍແລ້ວ ທີມງານຂອງພວກເຮົາຈະກວດສອບຄຸນນະພາບ ພ້ອມໃຫ້ບໍລິການຕິດຕັ້ງຢ່າງວ່ອງໄວ ຕາມທີ່ລູກຄ້າຕ້ອງການ ເພາະປະຈຸບັນ ບໍລິສັດ ມີເຄື່ອງຈັກທີ່ທັນສະໄໝ ຊຶ່ງເຮັດໃຫ້ວຽກງານການອອກແບບ ປ້າຍໂຄສະນາຕ່າງໆ ເທົ່າທຽບກັບສາກົນ.ທ່ານ ວົງນໍາ ວົງວິໄລ ກ່າວຕື່ມວ່າ: ບໍລິສັດ ຂຸນຕາປ້າຍພວກເຮົາ ພ້ອມທີ່ຈະຕອບໂຈດລູກຄ້າ ເຖິງຄວາມຕ້ອງການປ້າຍໂຄສະນາຕ່າງໆດ້ວຍໃຈ ລາຄາເໝາະສົມ ຍຸດຕິທຳ ບໍລິການເປັນກັນເອງ ແລະ ຮັບປະກັນຜົນງານທີ່ອອກມາທຸກຢ່່າງ ເພື່ອໃຫ້ລູກຄ້າເກີດຄວາມພຶງພໍໃຈເຖິງທີ່ສຸດ. ນອກຈາກນີ້ ຂຸນຕາປ້າຍ ໄດ້ຢືດຫລັກການພື້ນຖານ ຂອງການດໍາເນີນທຸລະກິດ ໂດຍຊອບທໍາ ບໍລິການດ້ວຍນໍ້າໃຈ ບໍ່ເອົາປຽບລູກຄ້າ ໃສ່ໃຈຄຸນນະພາບ ໂດຍມີນະໂຍບາຍ “ງານດີມີຄຸນນະພາບ ມາດຕະຖານສາກົນ”. ນອກຈາກນັ້ນ, ຂຸນຕາປ້າຍ ຍັງມີການພັດທະນາຢ່າງບໍ່ຢຸດຢັ້ງ ໂດຍສະເພາະການພັດທະນາ ບຸກຄະລາກອນ, ພັດທະນາເຕັກນິກເຄື່ອງມື  ແລະ ການພັດທະນາ ລະບົບການບໍລິຫານ ຄຸນນະພາບເພື່ອກ້າວສູ່ການ ເຊື່ອມໂຍງກັບສາກົນ ເທື່ອລະກ້າວ

Editor: ຕະວັນ ແສງສະຫວັນ