ສູນວັດທະນະທຳ ຈີນ ປະຈຳ ສປປ ລາວ, ໂດຍໄດ້ຮັບການສະຫນັບສະຫນູນ ຈາກສະຖານທູດຈີນ ປະຈຳ ສປປ ລາວ ແລະ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ສປປ ລາວ ໄດ້ຈັດງານສັບປະດາ ວັດທະນະທຳ ຈີນ ປະຈຳປີ 2017 ຂື້ນ.  ກິດຈະກຳສັບປະດາວັດທະນະທຳຈີນ ໃນປີນີ້ ພາຍໃຕ້ຫົວຂໍ້: ການສຶບທອດກັບການປະດີດຄີດສ້າງໃຫມ່ ມໍລະດົກວັດທະນະທຳ ທີ່ບໍ່ມີຕົວຕົນ. ເຊີ່ງການສະແດງດັ່ງກ່າວແມ່ນໄດ້ນຳເອົາການສະແດງ ຈາກກອງສີລະປະ ຈາກກີ່ງແຂວງສີບສອງພັນນາ, ແຂວງຢູນນານ, ສປ ຈີນ (ຂອງຊົນເຜົ່າລື) ນຳມາ ສະແດງໃຫ້ປະຊາຊົນລາວ ໄດ້ຮັບຊົມ.  ເຊີ່ງເລີ່ມສະແດງມາແຕ່ວັນທີ 7 ມີຖຸນາ ຢູ່ທີ່ມະຫາວີທະຍາໄລສຸພານຸວົງ, ແຂວງຫລວງພະບາງ, ແລະ ໃນວັນທີ 9 ມີຖຸນາ ສະແດງທີ່ມະຫາວີທະຍາໄລແຫ່ງຊາດລາວ ນະຄອນຫລວງວຽງຈັນ, ພີເສດໃນຄ່ຳຄືນວັນທີ 10 ມີຖຸນາ  ສະແດງທີ່ຫໍວັດທະນະທຳແຫ່ງຊາດ, ນະຄອນຫລວງວຽງຈັນ. ສັບປະດາວັດທະນະທຳຈີນ  ແມ່ນກິດຈະກຳວັດທະນະທຳຂະຫນາດໃຫຍ່ ເຊີ່ງຈັດຂື້ນໂດຍສູນວັດທະນະທຳຈີນ 30 ກວ່າແຫ່ງ ທີ່ຕັ້ງຢູ່ໃນແຕ່ລະປະເທດ ການຈັດກິດຈະກຳດັ່ງກ່າວຂື້ນ ເພື່ອຊຸກຍູ້ສົ່ງເສີມວັດທະນະທຳທີ່ເປັນມູນເຊື້ອ ທີ່ງົດງາມຂອງ ຈີນ ກ້າວໄປຍັງປະເທດຕ່າງໆ ແລະ ໃນປີນີ້ ໄດ້ກຳນົດຫົວຂໍ້: ການສຶບທອດ ກັບການປະດີດຄີດສ້າງໃຫມ່ ມໍລະດົກວັດທະນະທຳທີ່ບໍ່ມີຕົວຕົນ ຂອງຈີນ  ຜ່ານກີດຈະກຳຕ່າງໆ ທີ່ຫລາກຫລາຍສີສັນ, ມີການສະແດງສີລະປະວັດທະນະທຳ ແລະ ການສະແດງມໍລະດົກວັດທະນະທຳ ທີ່ບໍ່ມີຕົວຕົນ ເພື່ອໃຫ້ມໍລະດົກວັດທະນະທຳຈີນ ກາຍເປັນສີ່ງທີ່ສະຫນີດສະຫນົມ ກັບປະຊາຊົນ, ລວມໄປເຖີງການສະແດງໃຫ້ເຫັນ ເຖີງຜົນງານທີ່ມີຄວາມຈົບງາມ, ເປັນເອກະລັກ, ການສຶບທອດ, ການພັດທະນາ ແລະ ການປະຕີບັດຕົວຈີງທາງມໍລະດົກວັດທະນະທຳ ທີ່ບໍ່ມີຕົວຕົນຂອງ ຈີນ.

Editor: ກຳປານາດ ລັດຖະເຮົ້າ