ຕາມການໃຫ້ຂໍ້ມູນຈາກໜ່ວຍງານປູກຝັງຫ້ອງການກະຊິກຳ ແລະ ປ່າໄມ້ເມືອງຊຳ ເໜືອ, ແຂວງຫົວພັນ ໄດ້ໃຫ້ຮູ້ວ່າ: ນັບແຕ່ທ້າຍເດືອນເມສາ 2017 ເປັນຕົ້ນມາ ປະຊາຊົນບັນດາເຜົ່າທົ່ວເມືອງຊຳເໜືອ ໄດ້ພ້ອມກັນລົງມືໄຖ, ຄາດ ແລະ ຕົກກ້ານາປີ ຂອງຕົນສຳເລັດ 100 ສ່ວນຮ້ອຍ. ປະຈຸບັນ ເຂົາເຈົ້າໄດ້ລົງມືປັກດຳນາປີຂອງຕົນສຳເລັດ 25 ສ່ວນຮ້ອຍ ຂອງເນື້ອທີ່ນາທັງໝົດ 2 ພັນ 381 ເຮັກຕາ. ການປັກດຳນາປີຂອງປະຊາຊົນທົ່ວເມືອງຊຳເໜືອ ຈະໃຫ້ສຳເລັດ 100 ສ່ວນຮ້ອຍ. ໃນທ້າຍເດືອນມີຖຸນາ ຫຼື ຕົ້ນເດືອນ ກໍລະກົດ ທີ່ຈະທາເຖີງນີ້. ຂ່າວໄດ້ໃຫ້ຮູ້ຕື່ມວ່າ ການປັກດຳນາປີຂອງປະຊາຊົນເຂດບ້ານດອນ, ໂພນໄຊ, ນາສະລາ, ນາໜອງ, ນາສະມອງ ແລະ ເຂດບ້ານສະເຫຼີ້ຍ ແມ່ນໄດ້ປັກດຳ ສຳເລັດແລ້ວ 100 ສ່ວນຮ້ອຍ. ສ່ວນປະຊາຊົນເຂດລ້ອງນ້ຳຮາມ, ນ້ຳຮັງ ແລະ ເຂດລ້ອງນ້ຳຊຳ ແມ່ນພວມຂຸ້ນຂ່ຽວປັກດຳໃຫ້ສຳເລັດຕາມລະດູການ.
Editor: ກຳປານາດ ລັດຖະເຮົ້າ
