ເພື່ອສ້າງຂະບວນການຂໍ່ານັບຮັບຕ້ອນ 2 ວັນປະຫັວດສາດຄື: ວັນເຊັນສັນຍາມິດຕະພາບ ແລະ ການຮ່ວມມື ລາວ - ຫວຽດນາມ ຄົບຮອບ 40 ປີ, ແລະ ວັນສ້າງຕັ້ງສາຍພົວພັນການທູດ ລາວ - ຫວຽດນາມ ຄົບຮອບ 55 ປີ ທີ່ ຈະມາເຖິງນີ້ ດັ່ງນັ້ນຈຶ່ງໄດ້ມີການຈັດຕັ້ງຊຸດຝຶກອົບຮົມຂື້ນ ພາຍໃຕ້ຫົວຂໍ້: ທັກສະການວິເຄາະ ແລະ ບັນນາທິການຂໍ້ມູນຂ່າວສານຈາກ ອີນເຕີເນັດ, ໂດຍການເຂົ້າຮ່ວມ ແລະ ເປັນປະທານກ່າວເປີດຂອງ ທ່ານ ບົວເງີນ ຊາພູວົງ ຮອງລັດຖະມົນຕີ ກະຊວງຖະແຫລງຂ່າວວັດທະນະທໍາ ແລະ ທ່ອງທ່ຽວ, ທ່ານ ຮວ່າງ ຫວິງ ບ້າວ ຮອງລັດຖະມົນຕີ ກະຊວງຖະແຫລງຂ່າວ ແລະ ການສື່ສານ ສສ ຫວຽດນາມ, ມີບັນດາຫົວຫນ້າກົມ - ຮອງກົມ, ພ້ອມດ້ວຍບັນດາແຂກ, ຄູ - ອາຈານ ແລະ ສື່ມວນຊົນລາວເຂົ້າຮ່ວມ. ຊຸດຝຶກອົບຮົມດັ່ງກ່າວແມ່ນ ຜົນງານການຊ່ວຍເຫຼືອຈາກກົມສື່ມວນຊົນ ສສ ຫວຽດນາມ ເຊິງຈະໄດ້ດໍາເນີນໄປເປັນເວລາ 5 ວັນ ນັບຕັ້ງແຕ່ວັນທີ 12 ເຖິງ 16 ມິຖຸນາ 2017 ທີ່ ສະຖາບັນສື່ມວນຊົນ ແຫ່ງ ສປປລາວ ຈຸດປະສົ່ງໃນການ ຈັດຕັ້ງຊຸດຝຶກອົບຮົມດັ່ງກ່າວ ແມ່ນເພື່ອ ຍົກລະດັບຄວາມຮູ້, ຄວາມສາມາດໃຫ້ແກ່ ພະນັກງານສື່ມວນຊົນອ້ອມຂ້າງສູນກາງ ແລະ ບັນດາແຂວງທົ່ວປະເທດ ໃຫ້ມີຄວາມຮັບຮູ້ ແລະ ເຂົ້າໃຈ ກ່ຽວກັບການວິເຄາະຂໍ້ມູນ, ວິເຄາະຂ່າວທີ່ໄດ້ມາຈາກ ອີນເຕີ້ເນັດ ແລ້ວນໍາມາບັນນາທິການໃຫ້ຖືກຕ້ອງ ຕາມສະພາບຄວາມເປັນຈິງ ແລະ ສອດຄ່ອງຕາມທິດທາງ ນະໂຍບາຍຂອງພັກ - ລັດ ໃນໄລຍະໃຫມ່ ເພື່ອເຮັດໃຫ້ພະນັກງານ ສື່ມວນຊົນ ໄດ້ມີຄວາມຮັບຮູ້ໃຫມ່, ລະອຽດເລິກເຊິ່ງກວ່າເກົ່າ ເພື່ອປະກອບສ່ວນເຂົ້າໃນຫນ້າທີ່ວຽກງານ ທີ່ ນັບມືນັບຂະຫຍາຍຕົວ ແລະ ສາມາດເຊືອມໂຍງເຂົ້າສູ່ສາກົນໄດ້.

Editor: ສິງຫາ ເລືອງວັນ