ນໍາພາຢ້ຽມຢາມ ໃນຄັ້ງນີ້ ໂດຍທ່ານ ນ. ບັນດິດ ປະທຸມວັນ ຮອງປະທານ ຄະນະບໍລິຫານງານ ສູນກາງສະຫະພັນແມ່ຍິງລາວ ພ້ອມດ້ວຍຄະນະ ໄດ້ເດີທາງໄປຢ້ຽມຢາມ ແລະ ແລກປ່ຽນບົດຮຽນ ຢູ່ ສ. ເກົາຫລີ, ໃນຫົວຂໍ້ການພັດທະນາຄວາມສາມາດ ດ້ານວິຊາຊີບ ໃຫ້ແກ່ ແມ່ຍິງ, ຕາມການເຊື້ອເຊີນຂອງ ປະທານ ມູນນິທິສາກົນ ແລະ ຄອບຄົວ ຊຶ່ງເປັນກິດຈະກໍາໜຶ່ງຂອງໂຄງການ ສືບຕໍ່ສົ່ງເສີມ ສູນອົບຮົມແມ່ຍິງລາວ ສູນກາງສະຫະພັນ ແມ່ຍິງລາວ ເພື່ອເສີມສ້າງຄວາມສາມາດ ດ້ານວິຊາຊີບຂອງ ແມ່ຍິງ ປະຈໍາປີ 2017.
ສໍາລັບຜູ້ແທນ ທີ່ເດີນທາງໄປຢ້ຽມຢາມຄັ້ງນີ້ ລວມມີ 2 ຄະນະຄື: ຄະນະການນໍາ ເພື່ອແລກປ່ຽນບົດຮຽນ ດ້ານການກໍານົດ ນະໂຍບາຍ ການພັດທະນາແມ່ຍິງ ແລະ ສົ່ງເສີມຄວາມສະເໝີພາບຍິງ - ຊາຍ, ພ້ອມດ້ວຍຄະນະວິຊາການ ເພື່ອໄປແລກປ່ຽນບົດຮຽນການຝຶກວິຊາຊີບຕົວຈິງ ເພື່ອຍົກລະດັບຄວາມຮູ້ ໄລຍະສັນ ໃນ 3 ຂະແໜງ ວິຊາຊີບຄື: ຕັດຫຍິບ, ເສີມສວຍ ແລະ ປຸງແຕ່ງອາຫານ.
ໃນໂອກາດຢ້ຽມຢາມຄັ້ງນີ້ ທ່ານ ນ. ຄໍ່າ ອຶ່ນ ຮີ້ ລັດຖະມົນຕີ ກະຊວງ ສະເໝີພາບຍິງ - ຊາຍ ແລະ ຄອບຄົວ ໄດ້ໃຫ້ກຽດຕອນຮັບໂດຍ ກ່າວເປີດພິທີ ການແລກປ່ຽນບົດຮຽນໃນຄັ້ງນີ້ ແລະ ໃນພິທີ ທ່ານ ນາງ ບັນດິດ ປະທຸມວັນ ໄດ້ຕີລາຄາສູງ ຕໍ່ ການຢ້ຽມຢາມ ແລະ ແລກປ່ຽນບົດຮຽນ ລະຫວ່າງ ສູນກາງສະຫະພັນແມ່ຍິງລາວ ແລະ ກະຊວງສະເໝີພາບຍິງ-ຊາຍ ແລະ ຄອບຄົວ ສ.ເກົາຫລີ, ຄະນະຜູ້ແທນຍັງໄດ້ຮັບຟັງການບັນຍາຍ ຈາກຊ່ຽວຊານ ທີ່ມີປະສົບການສູງຂອງ ສ. ເກົາຫລີ. ໃນຫົວຂໍ້ສໍາຄັນຕ່າງໆ ທີ່ກ່ຽວຂ້ອງກັບການພັດທະນາ ແລະ ສົ່ງເສີມຄວາມສະເໝີພາບຍິງ-ຊາຍ ເປັນຕົ້ນ ນະໂຍບາຍແມ່ຍິງຊຸມຊົນ, ນະໂຍບາຍການຈ້າງງານ ຕໍ່ ແມ່ຍິງ, ນະໂຍບາຍສ້າງຄວາມສາມາດ ໃຫ້ແມ່ຍິງ, ນະໂຍບາຍການປົກຄອງ ແລະ ການສົ່ງເສີມບົດບາດຍິງ-ຊາຍ, ບົດຮຽນດັ່ງກ່າວນີ້ ເປັນນະໂຍບາຍ ທີ່ເອົາໃຈໃສ່ ໃນດ້ານການພັດທະນາຄວາມສະເໝີພາບຍິງ - ຊາຍ, ການສົ່ງເສີມຄວາມຮູ້, ຄວາມສາມາດ ແລະ ໃຫ້ໂອກາດແກ່ແມ່ຍິງ ໄດ້ມີວຽກເຮັດ, ມີລາຍໄດ້ເພີ່ມຂື້ນ. ນອກນີ້ຜູ້ແທນຍັງໄດ້ໄປຢ້ຽມຢາມ ເມືອງມິດຕະພາບແມ່ຍິງ ເມືອງ ຊີ່ຮຶ້ງ, ບໍລິສັດຄອບຄົວ ມິດຕະພາບ, ມະຫາວິທະຍາໄລ ຊຸກຢ໋ອງ, ສູນພັດທະນາແມ່ຍິງ ໂຊເໜືອ ໂຊນຕາເວັນອອກ ເຊິງແຕ່ລະສູນ ແມ່ນໄດ້ພັດທະນາວິຊາຊີບ ແລະ ສ້າງເງື່ອນໄຂໃຫ້ແມ່ຍິງ ໄດ້ມີວຽກເຮັດງານທໍາ, ມີລາຍຮັບເຂົ້າສູ່ຄອບຄົວ ແລະ ມີຊີວິດການເປັນຢູ່ທີ່ດີ.
Editor: ສິງຫາ ເລືອງວັນ
