ກະຊວງພາຍໃນແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ບໍລິສັດສະຕ້າໂທລະຄົມ ຈຳກັດ​ ໄດ້ຮ່ວມກັນລົງນາມ ຮ່ວມມື ໂຄງການສ້າງລະບົບຄຸ້ມຄອງຂໍ້​ມູນພົນລະເມືອງ ໄລຍະ   ທຳອິດແຕ່ປີ 2017 ຫາ 2018 ຂຶ້ນ. ໃນອາທິດ​ຜ່ານ​ມາ, ​​ເປັນກຽດລົງ​ນາມ​​ໂດຍ​  ທ່ານ   ທອງຈັນ  ສີວີໄລ ຫົວໜ້າກົມຄຸ້ມຄອງພົນລະເມືອງ ກະຊວງພາຍໃນ ແລະ ທ່ານ ກ່າວ ແອງ ເຊີນຜູ້ອຳນວຍການໃຫ່ຍ ບໍລິສັດສະຕ້າ​ໂທລະຄົມ ໂດຍການເຂົ້າຮ່ວມເປັນສັກຂີພິຍານຂອງ ທ່ານ ສີພຸ  ວົງພັກດີ ຮອງລັດຖະມົນຕີ ກະຊວງພາຍໃນ ພ້ອມດວ້ຍ ພະນັກງານທີ່ກ່ຽວຂ້ອງທັງສອງຝ່າຍ​ເຂົ້າ​ຮ່ວ​ມ.

      ທ່ານ ທອງຈັນ ສີວີໄລ ກ່າວວ່າ: ການສ້າງລະບົບຄຸ້ມຄອງຂໍ້​ມູນພົນລະເມືອງ ຈະຊ່ວຍບັນທຶກເຫດການ ທີ່ ສຳຄັນໃນຊີວິດ, ຄົ້ນຄົ້ວບັນຫາຂໍ້ມູນພື້ນຖານ, ໃຫ້ມີຄວາມສະດວກ, ຊັດເຈນ ວ່ອງໄວ ແລະ ຄົ້ນຫາປະຫວັດໄດ້ງ່າຍເຊັ່ນ: ການຈົດທະບຽນການເກີດ, ການຈົດທະບຽນການເສຍຊີວິດ, ສາເຫດການເສຍຊີວິດ, ການແຕ່ງດອງ, ການຢ່າຮ້າງ, ການປ່ຽນຊື່ ແລະ ນາມສະກຸນ, ການຍົກຍ້າຍບ່ອນຢູ່ ອາໃສ່ ແລະ ອື່ນໆ.

      ເພື່ອເກັບກໍາສະທິຕິ, ເຫດການສໍາຄັນ, ໃນຊີວິດຂອງຄົນ ຄົນໜຶ່ງ, ຕະຫຼອດຮອດລັກສະນະເຫດການຂອງຜູ້ກ່ຽວ ແລະ ຜູ້ທີ້ກ່ຽວຂ້ອງ ເຊິ່ງສາມາດສັງລວມສະທິຕິ ໃນຂັນບ້ານ, ເມື່ອງ, ແຂວງ ກ່ຽວກັບຈຳນວນຂອງພົນລະເມືອງ ແລະ ການກະແຈກ - ກະຈາຍຂອງພົນລະເມື່ອງ ໃນລະດັບຕ່າງໆ ຊ່ວຍອຳນວຍຄວາມສະດວກ ໃຫ້ມີການວາງແຜນ ພ້ອມທັງ ສະໜອງການບໍລິການ ທີ່ ວອງໄວ ແລະ ອຳນວຍຄວາມສະດວກ ​ເຮັດ​ໃຫ້ປະຊາຊົນ ນໍາໃຊ້ການ​ໃຫ້​ບໍລິການຂອງພາກລັດ ສະດວກ​ຍິ່ງຂື້ນ, ຄາດວ່າໃນປີ 2018 ຈະ​ໄດ້ຈັດຕັ້ງປະຕິບັດທົດລອງ ນຳໃຊ້ລະບົບດັ່ງກ່າວຢູ່ ສາມແຂວງຄື່: ນະຄອນຫຼວງວຽງຈັນ, ແຂວງ ຫຼວງພະບາງ ແລະ ແຂວງຈຳປາສັກ.

 Editor: ສິງຫາ ເລືອງວັນ