ໂດຍປະຕິບັດຕາມກົດລະບຽບ ແລະ ນະໂຍບາຍຂອງກອງທຶນຊ່ວຍເຫືລອເຊີ່ງກັນ ແລະ ກັນ ແລະ ທະນຸເຄາະຂອງສະຫະພັນນັກຮົບເກົ່າເມືອງເຊໂປນ ຕໍ່ຄອບຄົວສະມາຊິກທີ່ເສຍຊີວິດ, ດັ່ງນັ້ນ ກາງເດືອນມີຖຸນາ 2017ທີ່ຜ່ານມາ, ຫ້ອງການສະຫະພັນນັກຮົບເກົ່າເມືອງເຊໂປນ ໄດ້ເອົາເງິນຈຳນວນ 5 ລ້ານກີບ, ໄປມອບສົງເຄາະຊ່ວຍເຫຼືອໃຫ້ແກ່ຄອບຄົວ ທ່ານ ສີສະເຫວີຍ ແພງສະຫວັນ ທີ່ບ້ານນາບໍ່ ເມືອງເຊໂປນ, ແຂວງສະຫວັນ ນະເຂດ, ເຊິ່ງຜູ້ກ່ຽວໄດ້ສະໝັກໃຈເຂົ້າຮ່ວມການ ເຄື່ອນໄຫວເປັນສະມາຊິກກອງທຶນໃນວັນທີ່ 24 ເມສາ 2017 ແລະ ໄດ້ໝົດສິດ
ໃນການເປັນສະມາຊິກໃນວັນທີ 9 ມີຖຸນາ 2017,ອາຍຸການ 1 ເດືອນ 15 ມື້, ດ້ວຍການເສຍຊີວິດ, ກ່າວມອບເງິນຄັ້ງນີ້ໂດຍ ທ່ານ ສີຕານ ນາກບຸນເພັງ ຮອງປະທານສະຫະພັນນັກຮົບເກົ່າເມືອງເຊໂປນ, ທ່ານນາງ ອິນທີ ຕາງໜ້າຄອບຄົວ ເປັນຜູ້ຮັບຊ້ອງໜ້າຄະນະສະຫະພັນນັັກຮົບເກົ່າບ້ານ, ການຈັດຕັ້ງທຸກຂັ້ນຂອງບ້ານ ພ້ອມດ້ວຍຍາດຕິພີ້ນ້ອງເປັນສັກຂີພະຍານນຳດ້ວຍ,ເຊິ່ງເງິນດັ່ງກ່າວ ແມ່ນໄດ້ມາຈາກການຊ່ວຍເຫຼືອງເຊິ່ງກັນ ແລະ ກັນ ແລະ ທະນຸເຄາະຈາກສະມາຊິກທີ່ເຂົ້າຮ່ວມເຄື່ອນໄຫວໃນວຽກກອງທຶນ,ປະຈຸບັນທົ່ວເມືອງ ມີຈຳນວນສະມາຊິກ ທັງໝົດ1,570 ຄົນ.
Editor: ກຳປານາດ ລັດຖະເຮົ້າ
