ທ່ານ ສົມມາດ ພົນເສນາ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ກ່າວໃນງານສະເຫຼີມສະຫຼອງວັນສິ່ງແວດລ້ອມໂລກ ໃນຕົ້ນເດືອນ ມິຖຸນາ ນີ້ວ່າ: ຍ້ອນວ່າການຄຸ້ມຄອງໂຄງການລົງທຶນ ຍັງເຮັດບໍ່ໄດ້ດີເທົ່າທີ່ຄວນ, ຈີ່ງເຮັດໃຫ້ເກີດຜົນກະທົບຕໍ່ສະພາບແວດລ້ອມ ແລະ ສັງຄົມ, ປ່າໄມ້ຖືກທຳລາຍ, ການຄ້າຂາຍສັດນ້ຳ-ສັດປ່າ ແລະ ພືດພັນປ່າແບບຊະຊາຍແລະ ຜິດກົດໝາຍ ເປັນສາເຫດຫນຶ່ງ ທີ່ເຮັດໃຫ້ຊີວະນາໆພັນ 2,701 ຊະນິດທີ່ໄດ້ພົບເຫັນໃນ ສປປ ລາວ ເຊິ່ງປະມານ 157 ຊະນິດ ກຳລັງສ່ຽງໃກ້ຈະສູນພັນ ແລະ ອີກ 115 ຊະນິດ ກຳລັງຖືກຂົ່ມຊູ່. ສະນັ້ນ, ຕໍ່ບັນຫາດັ່ງກ່າວ, ພັກ-ລັດຖະບານ ຂອງ ສປປ ລາວ ກໍໄດ້ປະຕິບັດນະໂຍບາຍພັດທະນາເສດຖະກິດ-ສັງຄົມ ແບບສີຂຽວ ແລະ ກ້າວໄປສູ່ການພັດທະນາແບບຍືນຍົງ, ພ້ອມວາງເປົ້າໝາຍການປົກຫຸ້ມຂອງປ່າໄມ້ ໃຫ້ໄດ້ 70 ສ່ວນຮ້ອຍ ຂື້ນໄປໃນ ປີ 2020.
Editor: ກຳປານາດ ລັດຖະເຮົ້າ
