ທ່ານ ບຸນຈັນ ໄຊປັນຍາ ຫົວໜ້າ ພະແນກກະສິກຳແລະ ປ່າໄມ້ ແຂວງຄຳມ່ວນ ໄດ້ໃຫ້ສຳພາດຕໍ່ນັກຂ່າວກາງເດືອນມີຖຸນາ 2017 ນີ້ວ່າ: ໃນປີ 2017 ນີ້, ແຂວງຄຳມ່ວນ ມີແຜ່ນສູ້ຊົນຜະລິດ ເຂົ້້ານາປີໃຫ້ໄດ້ໃນເນື້ອທີ 84.630 ເຮັກຕາ, ແບ່ງອອກເປັນສອງສາຍຄື: ຜະລິດເປັນສິນຄ້າ ແລະ ຜະລິດເພື່ອຄໍ້າປະກັນສະບຽງອາຫານ, ການຜະລິດຄໍ້າປະກັນສະບຽງອາຫານແມ່ນຈະສູ້ຊົນໃຫ້ໄດ້ໃນເນື້ອທີ່ 68 ພັນກວ່າເຮັກຕາ, ຜະລິດເປັນສິນຄ້າແມ່ນ 16 ພັນກວ່າເຮັກຕາ
ຜ່ານການຈັດຕັ້ງປະຕິບັດ ມາຮອດປະຈຸບັນນີ້ຖືວ່າ ປະຊາຊົນສ່ວນຫຼາຍແມ່ນໄດ້ນຳໃຊ້ກົນຈັກ ຫຼື ເຕັກນິກອັນໃໜ່ໂດຍສະເພາະຢູ່ທາງເມືອງໜອງບົກ ແລະ ເຊບັ້ງໄຟ ໄດ້ຫັນມາເຮັດນາຢອດ, ນາຫວ່ານ, ສຳລັບນາຢອດ-ນາຫວານແມ່າສຳເລັດໄປແລ້ວ 14 ພັນເຮັກຕາ, ສຳລັບນາພື້ນເມືອງ(ນາດຳ)ແມ່ນປະມານ 70 ພັນເຮັກຕາ, ຕາມແຜນຄາດຄະເນໃນ 70 ພັນເຮັກຕາ ແມ່ນໄດ້ຕົກກ້າໄປແລ້ວ 84 ສ່ວນຮ້ອຍ, ມີການປັກດຳໄປແລ້ວປະມານ 5 ພັນເຮັກຕາ, ລວມທັງນາຢອດ, ນາວານ, ນາທີປັກດຳແລ້ວ ມາຮອດປະຈຸບັນປະມານ 19 ພັນເຮັກຕາ.
ສະເພາະການນຳໃຊ້ເຕັກນິກອັນໃໜ່ທາງພະແນກກະສິກຳ ກໍ່ຄືລັດຖະບານໄດ້ມີການລົງທືນທົດລອງທີເມືອງໜອງບົກ, ບ້ານໜອງປີງ, ໂດຍໄດ້ເອົາລົດໄຖ, ລົດຄາດ, ລົດດຳ,ແລະ ລົດກ່ຽວປະກອບໃຫ້ຜ່ານການຕີລາຄາ 1 ປີ ຜ່ານມາເຫັນວ່າ ມີປະສິດທິຜົນ ຫຼື ເອີ້ນວ່າ ຫຼຸດຜ່ອນໄດ້ຕົ້ນທືນການຜະລິດ ແລະ ເພື່ອໃຫ້ບັນລຸຄາດໜາຍຄືດັ່ງຕົວເລກ ທີ່ໄດ້ກ່າວມານັ້ນ ທາງພະແນກກະສິກຳແມ່ນໄດ້ມີການຈັດແບ່ງໃນຄະນະພັກ ຄະນະ ພະແນກໄດ້ລົງຊີ້ນຳແຕ່ລະເມືອງ, ພ້ອມທັງແຕ່ງຕັ້ງພະນັກງານ-ວິຊາການ ປະຈຳຢູ່ຕາມສູນບໍລິການເຕັກນິກ ແລະ ສະຖານີບໍລິການເຕັກນິກ ເພືອໃຫ້ຄວາມຮູ້ແກ່ປະຊາຊົນ ສ່ວນແນວພັນແມ່ນມີຄູ່ສັນຍາກຸ່ມໂຮງສີ ໄດ້ມີການສະໜອງແນວເຂົ້າປູກໃຫ້, ຕາມທີຕະຫຼາດຕ້ອງການ ຄື: ທ່າດອກຄຳ 8 ແລະ ທ່າດອກຄຳ 11
ສຳລັບການຜະລິດເຂົ້ານາແຊງ ໃນປີ 2017 ຕາມແຜນການແມ່ນ 9.100 ເຮັກຕາຜ່ານການປະຕິບັດໂຕຈິງສາມາດປະຕິບັດໄດ້ 7.750 ເຮັກຕາ ສາເຫດທີບໍພາໃຫ້ບັນລຸຕາມແຜນແມ່ນຍອນລະບົບຊົນລະປະທານເປັນລະບົບທີເກົ່າແກ່ເຮັດໃຫ້ປະສິດທີພາບຂອງເຄື່ອງຈັກຫຼຸດລົງ ລະບົບຄອງເໜືອງບໍທັນໄດ້ສົມບູນສ່ວນຫຼາຍຍັງເປັນຄອງດິນແດງການຫັນເປັນຄອງເບຕົງຍັງບໍ່ທັນສຳເລັດ.
Editor: ກຳປານາດ ລັດຖະເຮົ້າ
