ເຈົ້າໜ້າທີ່ຕໍາຫຼວດ ປກສ ເມືອງໄຊບູລີ ໄດ້ເຂົ້າກັກຕົວທ້າວ ໄຟວັນ ຫຼື ຫ່ຽວ ອາຍຸ 31 ປີ, ຢູ່ບ້ານທ່າຄໍ້ ເມືອງໄຊບູລີ ແຂວງສະຫວັນນະເຂດ ໃນຂໍ້ຫາເຄື່ອນໄຫວລັກລອບ ຄ້າຂາຍຢາເສບຕິດ ປະເພດຢາບ້າ ຢູ່ຕາມຊາຍແດນ ລະຫວ່າງ ບ້ານທ່າຄໍ້ ເມືອງໄຊບູລີ ແຂວງສະຫວັນນະເຂດ ແລະ ບ້ານ ນາຄຳນ້ອຍ ເມືອງທາດພະນົມ ປະເທດໄທ. ຈາກນັ້ນ, ເຈົ້າໜ້າທີ່ໄດ້ກວດຄົ້ນເຮືອນຂອງຜູ້ກ່ຽວພົບເຫັນຢາບ້າ 2.600 ເມັດ ທີ່ຊຸກເຊື່ອງຢູ່ໃນຕູ້ ເຮືອນຜູ້ກ່ຽວ ໃນວັນທີ 5 ພຶດສະພາ 2017.
ຜ່ານການສືບສວນ-ສວບສວນ, ຜູ້ກ່ຽວໄດ້ຮັບສາລະພາບວ່າ: ຢາບ້າຈຳນວນ ດັ່ງກ່າວແມ່ນຂອງຜູ້ກ່ຽວແທ້; ເຊິ່ງໄດ້ເຄື່ອນໄຫວຄ້າຂາຍ ແລະ ນຳສົ່ງຢາເສບຕິດ ເຂດຊາຍແດນມາແລ້ວຫຼາຍຄັ້ງ. ດັ່ງນັ້ນ, ເຈົ້າໜ້າທີ່ ຈຶ່ງ ໄດ້ນຳຕົວຜູ້ກ່ຽວໄປດຳເນີນຄະດີຕາມກົດໝາຍ.
ຂອບໃຈຂໍ້ມູນຈາກ ຫນັງສືພິມຄວາມສະຫງົບ
Editor: ຕະວັນ ແສງສະຫວັນ
