ໂອກາດເຂົ້າຮ່ວມກອງປະຊຸມ ມອບໃບຢັ້ງຢືນໜ່ວຍພັກແຂງ ຮູ້ນຳພາຮອບດ້ານ ຂອງພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ (ອຄ.ນວ)  ທ່ານ ແກ້ວພິລາວັນ ອາໄພລາດ, ຮອງເລຂາຄະນະພັກ ຮອງເຈົ້າຄອງນະຄອນຫຼວງວຽງຈັນ ໄດ້ເນັ້ນໃຫ້ສະມາຊິກພັກ ພະນັກງານຂອງ ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ອຄ. ນວ ເອົາໃຈໃສ່ ປະຕິບັດລະບຽບການຄ້າ  ໂດຍໃຫ້ມີຄວາມສະຫງົບ ໃນການຊື້-ຂາຍ ລີກລຽ້ງການເອົາປຽບຂອງແມ່ຄ້າຕໍ່ຜູ້ບໍລິໂພກ, ເອົາໃຈໃສ່ປັບປຸງການຄ້າຂາຍແບບຊະຊາຍ, ຈັດສັນຕະຫຼາດ ໃຫ້ແມ່ຄ້າໄດ້ມີສະຖາທີ່ຄ້າຂາຍທີ່ເໝາະສົມ.

ຄຽງຄູ່ກັນນັ້ນໃຫ້ເອົາໃຈໃສ່ເປັນຕົ້ນແມ່ນ: ເອົາໃຈໃສສືບຕໍ່ວຽກງານແນວຄິດການເມືອງໃຫ້ມີຄວາມ ໜັກແໜ້ນເຂັ້ມແຂງ ແລະ ເປັນແບບຢ່າງໃນການຊີ້ນຳ-ນໍາພາ, ເອົາໃຈໃສ່ໃນການຄຸ້ມຄອງລາຄາສິນຄ້າ, ຮັກສາສະຖຽນນະພາບທາງດ້ານເສດຖະກິດ ຮັບປະກັນໃຫ້ມີຄວາມສະຫງົບ ໃຫ້ຜູ້ບໍລິໂພກໄດ້ຮັບຄວາມເປັນທຳ, ເອົາໃຈໃສ່ປັບປຸງການຄ້າຂາຍແບບຊະຊາຍ, ຈັດສັນຕະຫຼາດໃຫ້ມີຄວາມເປັນລະບຽບຮຽບຮ້ອຍ ເພື່ອຄວາມສະດວກໃນການສັນຈອນ ການນຳໃຊ້ລົດໃຊ້ຖະໜົນ, ເອົາໃຈໃສ່ຄວາມເປັນບະບຽບຮຽບຮ້ອຍ ທາງດ້ານການຜະລິດອຸດສາຫະກຳ, ພ້ອມນັ້ນ ຕ້ອງເປັນແບບຢ່າງໃນການກ້າຄິດ , ການເຮັດ  ແລະ ການຮັບຜິດຊອບ ລວມທັງຊີ້ນຳໃນການສ້າງສິນຄ້າຕົວແບບໃຫ້ຫຼາຍຂຶ້ນ, ພ້ອມນັ້ນ ທ່ານຍັງໄດ້ເນັ້ນການປະຕິບັດດີ ເປັນຕົ້ນແມ່ນ ການປະຕິບັດນ້າທີ່ດີ, ການປະຕິບັດລາຍຮັບໃຫ້ດີ, ການລົງຮາກຖານດີ, ການປະຢັດດີ ແລະ ອື່ນໆ.

Editor: ຕະວັນ ແສງສະຫວັນ