ໂຄງການກໍ່ສ້າງຂົວຂ້າມນໍ້າຂອງ ບ້ານນາສັກ ເມືອງປາກລາຍ ແຂວງໄຊຍະບູລີ ຫາ ບ້ານຄົກເຂົ້າດໍ ເມືອງຊະນະຄາມ, ແຂວງວຽງຈັນ ຈະເປີດໃຫ້ບໍລິການໄດ້ຢ່າງເປັນທາງການໃນທ້າຍເດືອນນີ້.
ການກໍ່ສ້າງຂົວດັ່ງກ່າວ ແມ່ນຜົນສຳເລັດ ເປັນທີຮຽບຮ້ອຍ ຕາມແຜນພັດທະນາພື້ນຖານໂຄງລ່າງຂອງປະເທດ, ທີ່ກຳນົດໄວ້ ເຊິ່ງຂົວດັ່ງກ່າວສ້າງຄວາມສະດວກສະບາຍໃຫ້ແກ່ການຄົມມະນາຄົມ, ຂົນສົ່ງ, ການຄ້າຂາຍ ກໍຄືການໄປມາຫາສູ່ຂອງປະຊາຊົນ ລະຫວ່າງ ແຂວງໄຊຍະບູລີ ແລະ ແຂວງວຽງຈັນ ກໍຄືປະເທດເພື່ອນບ້ານໃກ້ຄຽງ. ເຊີ່ງຂົວດັ່ງກ່າວ ມີຄວາມຍາວ 365 ແມັດ, ກວ້າງ 11.4 ແມັດ, ມີສອງຊ່ອງການຈະລາຈອນ, ມີທາງຄົນຍ່າງສອງເບື້ອງ ເບື້ອງລະ 1,5 ແມັດ. ເຊີ່ງໄດ້ເລິ່ມລົງມືກໍ່ສ້າງມາແຕ່ປີ 2012 ໃນນັ້ນ ທຶນກໍ່ສ້າງສ່ວນຫນຶ່ງແມ່ນໄດ້ຮັບການຊ່ວຍເຫຼືອລ້າ ຈາກລັດຖະບານໂຮນລັງ ແລະ ອີກສ່ວນຫນື່ງເປັນທຶນທຶນຂອງລັດທະບານ ສປປ ລາວ
ສຳລັບຄວາມຄຶບຫນ້າ ອື່ນໆ ຈະນຳມາສະເຫນີໃຫ້ຮັບຮູ້ຕື່ມ.
Editor: ກຳປານາດ ລັດຖະເຮົ້າ
