ເຈົ້າໜ້າທີ່ ປກສ ເມືອງ ສີສັດຕະນາກ ໃຫ້ຮູ້ວ່າ: ໃນວັນທີ 31 ພຶດສະພາ 2017, ຜູ້ເສຍຫາຍຊື່ທ້າວ ສົມພົງ ອາຍຸ 21 ປີ, ພັກເຊົາຢູ່ບ້ານ ດອນກອຍ ເມືອງສີສັດຕະນາກ ນະຄອນຫຼວງວຽງຈັນ ໄດ້ເຂົ້າແຈ້ງຄວາມວ່າ: ໃນເວລາ 24 :00 ໂມງ ຜູ້ກ່ຽວກັບໝູ່ໄດ້ພາກັນໄປສັງສັນ ຢູ່ຮ້ານກີນດື່ມຢູ່ເຂດບ້ານດອນກອຍ ເມື່ອເຂົ້າໄປໃນຮ້ານ ພົບທ້າວ ລັງ ແລະ ທ້າວ ວີ ຈຶ່ງໄດ້ເຂົ້າໄປນັ່ງໂຕະດຽວກັນ. ຈາກນັ້ນ, ຮອດເວລາ 3 :00 ໂມງ ຂອງມືຕໍ່ມາຜູ້ກ່ຽວກັບໝູ່ຊື່ທ້າວ ທອງຄຳ ໄດ້ໄປຫ້ອງນໍ້າ ເມື່ອກັບ ມາ ທ້າວ ລັງ ກັບ ທ້າວ ວີ ໄດ້ເອົາກະແຈລົດທີ່ວາງໄວ້ຢູ່ໂຕະ ແລ້ວລັກເອົາລົດຈັກຫຼົບໜີ. ຈາກນັ້ນ,ຈຶ່ງໄດ້ປະສານທຸກໜ່ວຍງານຕິດຕາມ.
ມາວັນ ທີ 1 ພຶດສະພາ ໄດ້ຮັບລາຍງານຈາກເຈົ້າໜ້າທີ່ ປກສ ບ້ານນາຫວາຍ ເມືອງຫີນເຫີບ ວ່າ: ໄດ້ຈັບຖືກສົງໄສລັກຊັບພົນລະເມືອງ ພ້ອມທັງນໍາ ສົ່ງມາກອງບັນຊາການ ປກສ ເມືອງສີສັດຕະນາກ ດຳເນີນການສອບສວນ.
ຜ່ານການສອບສວນພວກກ່ຽວທັງສອງ ໃຫ້ການສາລະພາບວ່າ: ໃນວັນທີ 30 ພຶດສະພາ ພວກກ່ຽວກັບໜູ່ອີກ 6 ຄົນໄດ້ພາກັນໄປດື່ມ ເບຍຢູ່ຮ້ານທາງໂຄ້ງ ເຂດດອນກອຍ ຮອດເວລາ 24:00 ໂມງ ໝູ່ທີ່ມາ ນໍາກັນນັ້ນ ໄດ້ກັບກ່ອນ. ຈາກນັ້ນ, ມີທ້າວ ສົມພົງ ແລະ ທ້າວ ທອງຄຳ ໄດ້ເຂົ້າມາໃນຮ້ານ ຈຶ່ງໄດ້ບອກໃຫ້ມານັ້ງຫຼິ້ນນຳ ພາຍຫຼັງພາກັນດື່ມເບຍ ຮອດເວລາ 3:00 ໂມງ ຂອງວັນທີ 31 ພຶດສະພາ, ທ້າວ ລັງ ໄດ້ສວຍໂອ ກາດໃນເວລາທີ່ທ້າວ ສົມພົງ ກັບໝູ່ໄປຫ້ອງນໍ້າ ຈັບເອົາກະແຈລົດທີ່ ວາງໄວ້ໃນໂຕະ ແລ້ວພາກັນອອກຈາກຮ້ານ ໄປລັກເອົາ ລົດທີ່ຈອດຢູ່ນອກຮ້ານ ແລ້ວຂັບຂັບຂີ່ໄປບ້ານນາຫວາຍ ເມືອງຫີນເຫີບ.
ມາຮອດ ວັນທີ 1 ມິຖຸນາ 2017, ຖືກເຈົ້າໜ້າທີ່ ປກສ ເມືອງຫີນເຫີບ ໄດ້ຈັບຕົວພວກກ່ຽວ ແລະ ນຳສົ່ງມາຍັງ ປກສ ເມືອງສີສັດຕະນາກ ເພື່ອນຳເນີນຄະດີ ໃນຂໍ້ຫາລັກຊັບພົນລະເມືອງ.
ຂອບໃຈຂໍ້ມູນຈາກ: ຫນັງສືພິມຄວາມສະຫງົບ
Editor: ຕະວັນ ແສງສະຫວັນ
