ຫ້ອງການໂຍທາທິການ ແລະ ຂົນສົ່ງເມືອງຄຳ ແຂວງຊຽງຂວາງ ໄດ້ຈັດພິທີມອບ-ຮັບໂຄງການກໍ່ ສ້າງທໍ່ດາໂລຂ້າມນ້ຳລານ ບ້ານຊາຍນາດູ່ ເມືອງຄຳ ຂື້ນໃນວັນທີ 26 ມິຖຸນາ 2017 ທີ່ຄຸ້ມນາດູ່ຢ່າງເປັນ ທາງການ.
ໂດຍພາຍໃຕ້ການເປັນປະທານຂອງ ທ່ານນາງ ບຸນມີ ສົມພັນສຸກ ຮອງເຈົ້າເມືອງ-ເມືອງຄຳ, ມີ ທ່ານ ອິ ເກ ມະ ເທສືໂຣະ ຕາງໜ້າອົງການຊ່ວຍເຫຼືອເດັກນ້ອຍອາຊີປະເທດຢີ່ປຸຸ່ນ ແລະ ທ່ານ ແກ້ວອຸ ດອນ ທຳມະວົງ ຫົວໜ້າຫ້ອງການໂຍທາທິການ ແລະ ຂົນສົ່ງເມືອງຄຳ, ມີພະນັກງານລັດຖະກອນຫ້ອງການ ໂຍທາທິການ ແລະ ຂົນສົ່ງ, ມີແຂກຖືກເຊີນ, ມີຄະນະພັກອຳນາດການປົກຄອງບ້ານ-ໆຊາຍນາດູ່ພ້ອມ ດ້ວຍພໍ່ແມ່ປະຊາຊົນເຂົ້າຮ່ວມຢ່າງພ້ອມພຽງ.
ຈາກນັ້ນ ທ່ານ ແກ້ວອຸດອນ ທຳມະວົງ ຫົວໜ້າຫ້ອງການໂຍທາທິການ ແລະ ຂົນສົ່ງເມືອງໃນນາມ ເຈົ້າຂອງໂຄງການກໍ່ໄດ້ຂື້ນຜ່ານບົດລາຍງານໃຫ້ຮູ້ວ່າ: ບ້ານຊາຍນາດູ່ເປັນບ້ານໜຶ່ງທີ່ໄດ້ສ້າງຕັ້ງມາແຕ່ດົນ ນານເຊິ່ງຫ່າງຈາກເທດສະບານເມືອງ 6 ກິໂລແມັດ, ປະກອບມີ 134 ຫຼັງຄາເຮືອນ, ມີພົນລະເມືອງທັງ ໝົດ 2,572 ຄົນ , ຍິງ 1,321 ຄົນ ບ້ານຊາຍນາດູ່ກໍ່ເປັນບ້ານໜຶ່ງ ທີ່ນອນຢູ່ໃນບ້ານເຊິ່ງພົບຄວາມຫຍຸ້ງຍາກໃນການໄປມາຫາສູ່ເຊິ່ງກັນ ແລະ ກັນ ລະຫວ່າງ ບ້ານກັບບ້ານພ້ອມນີ້ຍັງເຮັດໃຫ້ການສັນຈອນໄປມາ ຂອງນ້ອງນ້ອຍນັກຮຽນລຳບາກອີກດ້ວຍ. ສະນັ້ນໂຄງການຊ່ວຍເຫຼືອເດັກນ້ອຍອາຊີ ປະເທດຢີ່ປຸ່ນ ຈື່ງໄດ້ ໃຫ້ທືນຊ່ວຍເຫຼືອລ້າໃນການກໍ່ສ້າງທໍ່ດາໂລຂ້າມນ້ຳລານ ເພື່ອເຮັດໃຫ້ການໄປມາຫາສູ້ຂອງພໍ່ແມ່ປະຊາຊົນ ມີຄວາມສະດວກ, ເດັກນ້ອຍບໍ່ຂາດຮຽນ, ເຊິ່ງໂຄງການກໍ່ສ້າງທໍ່ດາໂລເລີ່ມຕົ້ນລົງມືກໍ່ສ້າງມາແຕ່ວັນ ທີ່ 15 ພະຈິກ 2014 ເຊີ່ງທໍ່ ດາໂລ ດັ່ງກ່າວ, ໄດ້ມີການຖອກເບຕົ່ງເສີມເຫຼັກ, ຖົມດິນຄັນເສັ້ນທາງພ້ອມໂລອັນແໜ້ນ, ປູແຮ່ 15 ຊັງຕີແມັດ, ຫຼັກປະກັນໄພ ແລະ ປ້າຍໂຄງການ ໂດຍມີທືນສົມທົບຈາກພໍ່ແມ່ປະຊາຊົນ ຈົນມາຮອດວັນທີ 14 ກຸມພາ 2015 ການກໍ່ສ້າງຈິ່ງໄດ້ສໍາເລັດ ລວມເປັນມູນຄາທັງໝົດ 211 ລ້ານກວ່າ ກີບ, ພ້ອມນັ້ນ ທ່ານ ແກ້ວອຸດອນ ທຳມະວົງ ຫົວໜ້າຫ້ອງການໂຍທາທິການ ແລະ ຂົນສົ່ງ ກໍ່ຍັງໄດ້ ກ່າວມອບການກໍ່ສ້າງທໍ່ດາໂລໃຫ້ໂຄງການຊ່ວຍເຫຼືອເດັກນ້ອຍອາຊີປະເທດຢີ່ປຸ່ນ ໂດຍເປັນກຽດກ່າວຮັບຂອງ ທ່ານ ອີ ເກ ມະ ເທະສືໂຣະ
ຫຼັງຈາກນັ້ນ ກໍ່ໄດ້ກ່າວມອບໃຫ້ແກ່ຄະນະພັກອຳນາດການປົກຄອບບ້ານ ບ້ານຊາຍນາດູ່ ເປັນຜູ້ປົກປັກຮັກສາ ແລະ ນຳໃຊ້. ຫຼັງຈາກນັ້ນກໍ່ຍັງໄດ້ມີການມອບໃບຍ້ອງຍໍ ແລະ ຂອງຂັວນໃຫ້ແກ່ໂຄງການຊ່ວຍເຫຼືອເດັກນ້ອຍອາຊີປະເທດຢີ່ປຸ່ນ ພ້ອມທັງເປີດປ້າຍໂຄງການຕີ່ມອີກ.
ໃນຕອນທ້າຍທ່ານນາງ ບຸນມີ ສົມພັນສຸກ ຮອງເຈົ້າເມືອງ-ເມືອງຄຳ ກໍ່ໄດ້ໃຫ້ກຽດຂື້ນໂອ້ລົມໃຫ້ຄຳຄິດຄຳເຫັນກ່ອນອື່ນໝົດ ທ່ານໄດ້ກ່າວຍ້ອງຍໍຊົມເຊີຍຕໍ່ຜົນງານທີ່ຈັດຕັ້ງປະຕິບັດ ໃນໄລຍະຜ່ານມາພ້ອມທັງໃຫ້ທິດຊີ້ນຳແກ່ຄະນະພັກອຳນາດການປົກຄອງບ້ານ ພ້ອມດ້ວຍພໍ່ແມ່ປະຊາຊົນຈົ່ງພ້ອມກັນປົກປັກຮັກສາ ແລະ ນຳໃຊ້ໃຫ້ໄດ້ຍາວນານ ແລະ ປຸກລະດົມເສີມຂະຫຍາຍການປູກຝັງລ້ຽງສັດເພື່ອເປັນສີນຄ້າໃນການ ສ້າງເສດຖະກິດ ໃຫ້ບ້ານກໍ່ຄືຄອບຄົວໃຫ້ມີບາດກ້າວຂະຫຍາຍຕົວຂື້ນເປັນກ້າວໆ.
Editor: ກຳປານາດ ລັດຖະເຮົ້າ
